Familja e Anne Heche thotë se aktorja amerikane "nuk pritet të mbijetojë" pas përplasjes që shkaktoi që makina e saj të përfshihej nga flakët të premten e kaluar.
Në një deklaratë, familja e Heche tha përmes një përfaqësuesi se ajo kishte pësuar "një dëmtim të rëndë anoksik të trurit" dhe tani po mbahej në jetë përmes aparaturave për të përcaktuar nëse organet e saj mund të jepen për dhurim.
Familja tha se ka qenë "zgjedhja e saj prej kohësh" për të dhuruar organet. “Fatkeqësisht, për shkak të aksidentit të saj, Anne Heche pësoi një dëmtim të rëndë anoksik në tru dhe është në koma, në gjendje kritike. Ajo nuk pritet të mbijetojë,” tha familja. (Lëndimet anoksike të trurit shkaktohen nga mungesa e plotë e oksigjenit në tru, gjë që rezulton në vdekjen e qelizave të trurit).
Heche përplasi makinën në një shtëpi në zonën Mar Vista në Los Angeles, pranë shtëpisë së saj. Sipas raportimeve, përplasja shkaktoi zjarr për të cilin u desh një orë që të shuhej.
Anne Heche, 53 vjeçe, është e njohur për punën e saj në filma, duke përfshirë “Psycho”, “Donnie Brasco” dhe “Cedar Rapids”.
