Celebrity

'Jam e lumtur që mami im vdiq': Libri me rrëfimet shokuese të aktores së 'iCarly'

Shkruar nga Anabel

11 Gusht 2022

'Jam e lumtur që mami im vdiq': Libri me rrëfimet
Photo Credits: Hollywood Life

Paralajmërim për përmbajtjen: Ky artikull përmban përshkrime të abuzimit emocional, mendor dhe fizik.

Jennette McCurdy është vetëm 30 vjeç, por ish-aktorja, si shumë yje fëmijë para saj, ka kapërcyer tashmë një sërë traumash. Tani, ajo po i zbërthen të gjitha në një libër me kujtime, duke folur hapur për abuzimin që pësoi nga mamaja e saj e ndjerë dhe nga një industri në të cilën ajo kurrë nuk aspironte të kishte një karrierë.

Jennette – e cila më së shumti njihet si Sam Puckett nga seriali i suksesshëm i Nickelodeon, "iCarly" (dhe spinoffi i saj i mëvonshëm me Ariana Grande, "Sam & Cat") - nxjerr "mëkatet" e nënës së saj në "I'm Glad My Mom Died", i cili do publikohet më 9 gusht.

Autorja shqyrton edukimin e saj, marrëdhëniet në Hollywood dhe luftën e gjatë me ushqimin, si dhe shfrytëzimin që u bëhet artistëve të rinj nga mediat. 

Disa nga zbulimet më të rëndësishme nga libri, janë:

Abuzimi që mamaja e aktores ushtroi ndaj saj

Jennette u rrit në një familje të paqëndrueshme financiarisht në Kaliforni dhe ishte vetëm 2 vjeç kur nëna e saj Debra McCurdy u diagnostikua me kancer të gjirit në fazën e katërt në moshën 35-vjeçare. Kjo diagnozë ndikoi shumë në vitet e para të Jennette dhe ndezi dëshirën e saj të vazhdueshme për ta bërë mamanë e saj, që 30-vjeçarja e konsideron narciste, të lumtur. Kjo ishte, pjesërisht, arsyeja pse ajo vazhdoi të ndihmonte Debra-n të arrinte qëllimin e saj: të bëhej një yll i Hollywood-it.

Mamaja e Jennette u fiksua me qëllimin për ta bërë të bijën të famshme. Jennette, asokohe, u detyrua të merrte pjesë në audicione ndërkohë që ishte sëmurë, madje edhe pasi i tha të ëmës që nuk dëshironte ta bënte më këtë gjë. 

Deri në kohën kur Jennette ishte 17 vjeç, Debra këmbënguli të bënte dush me të – ndonjëherë duke e detyruar atë të ndante vaskën me vëllain e saj adoleshent. Ajo gjithashtu bënte "ekzaminime" të gjoksit dhe të pasmeve për vajzën e saj. Në disa momente, ajo këmbëngulte gjithashtu të fshinte Jennette kur ajo shkonte në banjë.

Kur Jennette mbushi 18 vjeç, kanceri i nënës së saj u rikthye dhe Debra vdiq përfundimisht nga sëmundja në vitin 2013. Në kohën që pasoi, me ndihmën e terapisë, Jennette filloi të kuptonte se nëna e saj ishte abuzive.

Incidentet e panumërta të abuzimit emocional, fizik dhe mendor "do të ndikojnë përgjithmonë tek unë", shkruan Jennette.

Në të 20-at, ajo zbuloi se i ati nuk ishte babai i saj biologjik

Një vit pas vdekjes së Debrës, babai i Jennette, Mark McCurdy, zbuloi se ai nuk është babai biologjik i Jennette dhe i dy nga vëllezërve e motrave të saj. Kur takohet me babain biologjik, ai thotë se "një betejë për kujdestarinë parandaloi çdo lloj marrëdhënieje."

Ajo kishte një miqësi të vërtetë me Miranda Cosgrove

Miqësia që nisi në xhirimet e iCarly, mes dy aktoreve kryesore, u kthye në një marrëdhënie të fortë dhe miqësi të vërtetë. Jennette tregon se aktorja e ka mbështetur teksa ajo luftonte me çregullimin e të ngrënit. Madje e ka shoqëruar, kur Jennette shkoi të takonte babain biologjik. Edhe pse tani marrëdhënia e tyre, nuk është si më parë, dyshja është përsëri "në rregull" me njëra-tjetrën.

Jennette pranon se ishte xheloze për Ariana Grande-n

Gjatë sezonit të vetëm të "Sam & Cat" në kanalin televiziv Nickelodeon, Jennette u përball me zhgënjimin e karrierës pasi Ariana Grande, kolege e saj në serial, po ngrihej gjithnjë e më shumë në industrinë e muzikës. Jennette shkruan se Grande shpesh ndryshonte oraret e provave ose xhirimeve, pasi ajo merrte më shumë mundësi jashtë serialit. Duke reflektuar, Jennette thotë se ishte "xheloze" për Grande, gjë që u shndërrua në një mospëlqim ndaj partneres së saj në skenë.

30-vjeçarja pretendon se iu ofruan para nga Nickelodeon, për t'i mbyllur gojën

McCurdy pretendon se pas anulimit të vazhdimit të "iCarly", "Sam & Cat", në 2014, asaj iu ofrua 300 mijë dollarë nga Nickelodeon - me paralajmërimin se ajo duhet të shkruante një kontratë që do ta pengonte të fliste për përvojat e saj në rrjet (që, sipas saj, përfshinin prekjen e papërshtatshme, detyrimin për të veshur bikini në ekran dhe ofrimin e alkoolit në moshë të mitur). 

McCurdy thotë se ajo e hodhi poshtë ofertën, të cilën Nickelodeon nuk ka pranuar ta komentojë publikisht.

Burimi: Pop Sugar

MOS I HUMBISNI