Tipari numër një që i bën princeshat edhe më të adhururshme? Thjeshtësia! Elia Zaharia, princesha e Shqipërisë, në çdo dalje të saj na ka treguar se jo vetëm është e thjeshtë, por edhe që sjelljet prej princeshe i vijnë në mënyrë krejt natyrale.
Përpos mënyrës etikës në të folur, qëndrimi dhe finesa e saj aspak e sforcuar e bëjnë që pavarësisht aktivitetit në të cilin shfaqet, të duket princeshë, nga ato të vërtetat!
1. Në një prej eventeve të fundit, gjatë një mbrëmjeje gala në Dubai, princesha zgjodhi të dukej kështu. Një fustan i fryrë në ngjyrë të gjelbëë. I ngarkuar në pjesën e sipërme dhe në fund të tij, Zaharia kishte menduar me kujdes që detajet të përshtateshin me rastin.
2. Festa e ndërrimit të viteve, Elia Zaharia Zogun e gjeti kështu! Duke ruajtuar traditën e ngjyrës së kuqe dhe gjithashtu atë të familjes mbretërore.
3. Në këtë foto zyrtare të çiftit, e shkrepur me rastin e festave kombëtare, princesha shfaqet e veshur me ngjyrat simbol të flamurit. Një fustan kuq e zi, i ngushtë dhe shumë elegant.
4. Look-u i darkave gala është ky! Elia i qëndron besnike fustaneve që nxjerrin edhe më në pah bustin, (gjithnjë brenda etikës së një princeshe). Flokët e drejta të kapura thjesht dhe grimi minimalist i japin një pamje edhe më mbretërore.
5. Edhe në daljet jo-zyrtare, Zaharia kujdeset të mos dalë jashtë shijeve të saj.
6. Edhe gjatë pushimeve, kur të gjithë (përfshi princeshat) eksperimentojmë paksa me pamjen, Elia zgjedh të jetë minimaliste. Një fustan i thjeshtë, kapele, syze dhe një çantë! Të gjitha në nuancat e bezhës. Një prej ngjyrave të preferuara të mbretërorëve.
7. Pavarësisht përmbajtjes së eventit, Zaharia di ta mbajë më së miri stilin prej princeshe dhe s'i duhet aspak punë për t'u dukur e tillë!
