Pas kritikave të një grimieri rreth praktikave të sigurisë në Kylie Kosmetics, Kylie ka vendosur të “mbrohet” duke kundërshtuar artistin.
Kevin James Bennett, një artist grimi dhe zhvillues kozmetike, në një postim në Instagram, pati një sërë ankesash pas disa fotove të publikuara nga Kylie në kompaninë e saj.
Shkrimi filloi me:
“E di që fansat e Kardashian/Jenner do të më shajnë sepse po kritikoj mbretëreshën e tyre të kozmetikës, por çfarë dreqin?!”
Mesazhi vazhdoi duke thënë se “edhe pse ka flokë të shkurtër, nuk e kanë lejuar kurrë të hyjë në një laborator apo në dyshemenë e prodhimit pa rrjetë flokësh, mbulesa këpucësh, maskë…dhe doreza njëpërdorimshe.”
Bennett e përfundoi shkrimin rreth protokelleve të gabuara sanitare me hashtag-un #ShameOnYou (Turp të kesh).
Themeluesja e Kylie Skin, ka vendosur t’i përgjigjet grimierit në koment (seksion i cili tani është mbyllur nga Bennett), duke shkruar:
“Kevin, kjo foto nuk është bërë në një fabrikë prodhuese. Unë nuk do t'i anashkaloja kurrë protokollet sanitare dhe as ndonjë pronar tjetër i famshëm apo marke bukurie, do ishte krejtësisht e papranueshme. Jam dakord.”
Ajo vazhdoi:
“Kjo është një hapësirë e vogël personale ku po krijoja mostrat e mia argëtuese dhe po bëja fotografi shumë larg prodhimit masiv. Askush nuk po i vë klientët në rrezik. Turp për ty Kevin që po përhap informacion të rremë.”
Megjithatë, grimieri e vazhdoi debatin, madje pretendoi se ajo po gënjente.
Kësaj, Kylie iu përgjigj me:
“Po ti, ishe aty, Kevin?!”
Gjatë viteve, Kylie Cosmetics është akuzuar edhe për kushte të tmerrshme pune apo dërgim materialesh promovuese me përmbajtje fyese etj. Disa nga këto pretentime janë refuzuar, ashtu siç ishte edhe ky pretendim i Kevin Bennett.
Burimi: US Magazine
