Teksa hyni në gusht, mund të mendoni "ne" në vend të "unë".  Fillimi i gushtit do të ndikohet fuqishëm nga Hëna e re e 28 korrikut në shenjën tuaj të kundërt të Luanit. Në këtë kohëju mund të mendoni t'i propozoni partnerit/e për të jetuar së bashku ose për t'u martuar. Kjo Hënë e re do të jetë shumë e përqenduar te një marrëdhënie e rëndësishme. Jeni tashmë të martuar? Së bashku, mund të bini dakord të punoni për një qëllim të madh, si për të blerë një shtëpi, për të pasur një fëmijë ose për të bërë një udhëtim të rëndësishëm.

Nëse nuk keni lidhje romantike, mund ta përdorni këtë energji partneriteti në biznes. Ju mund të dëshironi të kërkoni një ekspert që të bashkëpunojë me ju si pjesë e ekipit të biznesit. Bëjeni shpejt - fillimi i gushtit është koha e duhur për të vepruar.

Për një kohë të gjatë Marsi, Urani, plus eklipsi i prillit, të gjithë te Demi, ju kanë bërë të mendoni për lëvizjen, shitjen ose blerjen e pronës ose rinovimin e shtëpisë. Urani i paparashikueshëm po qëndron në sektorin tuaj të shtëpisë - ai nuk ka plane të lëvizë - por me largimin e Marsit, kjo duhet të reduktojë tensionin, ndoshta sepse po i afroheni një vendimi.

Mund të mos ju duhet të prisni gjatë për të hartuar një plan për shtëpinë ose familjen. Saturni do t'ju kërkojë të jeni praktik dhe të qëndroni objektiv, por mund të mos jetë e lehtë në Hënën e plotë të 11 gushtit. Lajmet që do të dalin në këtë Hënë të plotë mund t'ju prekin thellë, veçanërisht nëse ditëlindja ju bie në ose afër 7 shkurtit.

Edhe pse do të përballeni me disa pengesa që mund t'ju ngadalësojnë, ato do t'ju bëjnë të mendoni dy herë për të vepruar në mënyrë impulsive. Deri në fund të muajit, 27 gusht, Hëna e re do t'ju tregojë se është koha për të fituar më shumë para. Ka shumë mënyra të mundshme që mund të bëheni më të pasur nëse hapni bisedimet më 27 gusht.

Duket se keni punuar shumë në një detyrë (ose shumë detyra) që përfshin shkrim, redaktim, fjalim publik, reklamim ose publicitet, ose mund të punoni në shitje. Keni qenë të ngarkuar dhe kjo situatë do të vazhdojë të jetë e tillë gjatë tre javëve të para të gushtit.

Hëna e re e 28 korrikut ju solli një grumbull të ri detyrash. Nëse jeni të vetëpunësuar, ky do të ishte një zhvillim pozitiv – projektet do të rrjedhin gjatë gushtit dhe më tej. Nëse punoni për të tjerët ka të ngjarë të paguheni mirë për të gjithë punën që do të bëni.

Gjatë kësaj periudhe të ngarkuar, kujdesuni mirë për veten. Sigurohuni që të hani në mënyrë të shëndetshme dhe të flini mjaftueshëm. Hëna e re e 28 korrikut do t'ju motivojë që t'i kushtoni vëmendje çështjeve shëndetësore.

Hëna e plotë e 11 gushtit ka të ngjarë të jetë e tensionuar kur do t'ju zbulohen fakte që nuk i keni ditur më parë. Pra, është e mundur që dikush t'ju zhgënjejë. Pas kësaj Hëne të plotë, pak gjëra do të mbeten njësoj. Një marrëdhënie dashurie ose një miqësi mund të mos shkojë mirë dhe duhet të përfundojë, ose mund të përjetoni një episod shqetësues me një fëmijë.

Gjatë mesit të muajit, trajtojeni mirë veten. Gjeni çfarë ju pëlqen dhe shijojeni. Mos e mbani shumë mendjen te situata shqetësuese që do të ndodhë. Me kalimin e kohës ky do të jetë një kujtim i largët.

Në fund të muajit, mund të interesoheni për të nisur një partneritet serioz me një person me të cilin keni një marrëdhënie dashurie ose biznesi.

Copyright Anabel.al / Ndalohet ribotimi pa lejen e redaksisë.