Health News

Një banane në ditë mund të mbajë larg disa lloje kanceri – por ka rëndësi sa e pjekur është

Shkruar nga Anabel

2 Gusht 2022

Një banane në ditë mund të mbajë larg disa lloje

Një studim 20-vjeçar ka zbuluar se niseshteja te bananet mund të zvogëlojë rrezikun e disa llojeve të kancerit me më shumë se 60%.

Studimi, i udhëhequr nga ekspertë në Universitetet e Newcastle dhe Leeds dhe i publikuar në revistën Cancer Prevention Research, mund të ketë rëndësi në reduktimin e kancerit në pjesën e sipërme të zorrëve.

Gjatë studimit, pjesëmarrësit morën një dozë të kësaj niseshteje – e njohur si niseshte rezistente - ekuivalente me atë që do të merrnit nga ngrënia e një bananeje që nuk është tepër e pjekur dhe është ende pak e gjelbër.

Një banane në ditë mund të mbajë larg disa lloje

Rreth 1000 pacientë me sindromën Lynch - një çrregullim i trashëguar që rrit rrezikun e kancerit, veçanërisht në zorrën e trashë dhe rektum - e morën dozën për një mesatare prej dy vjetësh. Studimi zbuloi se ndonëse niseshteja nuk ndikonte te kanceri në zorrë, ajo zvogëloi incidencën e kancerit në pjesë të tjera të trupit me më shumë se gjysmën.

Trajtimi pati një efekt të veçantë te kanceri i traktit të sipërm gastrointestinal (GI), duke përfshirë kancerin e ezofagut, stomakut, traktit biliar, pankreasit dhe duodenalit.

Doza e marrë është e barabartë me atë të të ngrënit një banane çdo ditë, por duhet të jenë jo shumë të pjekura dhe jo të buta; pra, bananet duhet të jenë pak jeshile.

Kjo niseshte mund të merret si suplement në formë pluhuri dhe gjendet natyrshëm në bizele, fasule, tërshërë dhe ushqime të tjera me niseshte.

MOS I HUMBISNI