Gjatë ditëve të plazhit, duam vetëm të mos kemi një bark të fryrë! Ajo ndjesia e barkut të sheshtë, (edhe kur barku s'është i tillë) është kaq çliruese vetëm kur NUK e kemi ja kuptojmë mirë rëndësinë. Po ç'mund të bëjmë kur pas një vakti ndihemi më të fryrë se kurrë dhe refuzojmë të bëjmë plazh siç e kishim parashikuar?
1.Kini parasysh se duhet të hani ngadalë
Duke ngrënë ngadalë, nuk do të fusni aq shumë ajër në stomak dhe përtypja e mirë e ushqimeve do të bëjë që stomaku juaj të mos mbushet më shpejt se ç’duhet.
2.Kontrolloni porcionet
Përpiquni të hani porcione në madhësinë e grushtit të dorës suaj, në mënyrë që të mos tejkaloni masat.
3.Pini çaj menteje
Konsumimi i çajit të mentes relakson muskujt dhe përmirëson ndjeshëm sistemin tretës.
4.Konsumoni më shumë kos
Ushqimet e fermentuara janë ideale për të përmirësuar problemet e tretjes, duke rezultuar kështu edhe në një bark më të sheshtë.
5. Përpiquni të reduktoni stresin
Sipas disa studimeve të reja, kur jeni të stresuar, trupi juaj nuk i tret siç duhet ushqimet.
Çfarë ushqimesh NUK ju shkaktojnë fryrje?
Mos hiqni dorë nga majdanozi në pjatat tuaja
Kjo erëz, lehtësisht e gjendshme, bën mrekullira për shfryrjen; nxjerr jashtë trupit sasinë e tepërt të ujit.
Xhinxher
Ndër shumë përfitime të xhinxherit, mrekullira janë ato që bën për stomakun. Kjo rrënjë lehtëson çdo lloj çrregullimi të stomakut; nxjerr jashtë gazrat e tepërta, heq të përzierat dhe ndihmon tretjen.
Selinoja
Duke pasur shumë ujë në përbërje, selinoja bën efektin e kundërt, duke nxjerrë jashtë lëngjet e tepërta.
Bananja
Ndryshe nga ç’mund të mendohet, bananja e ndihmon nxjerrjen jashtë të lëngjeve të tepërta, me sasinë e lartë të potasiumit që përmban.
Ananasi
Ky frut tropikal, i pasur me enzimën bromelain, ndihmon në shpërbërjen e proteinave dhe thjeshton tretjen , duke parandaluar kështu fryrjen e barkut.
Burimi: Pop Sugar
