Duket sikur të gjithë yjet e njohur martohen fshehtas në Las Vegas. Së fundmi, kujtojmë Jennifer Lopez dhe Ben Affleck.
Magjia e padukshme e një martese në Las Vegas ka qenë trend që kur Elvis dhe Priscilla Presley u martuan në vitin 1967. Që atëherë, Richard Gere dhe Cindy Crawford, Angelina Jolie dhe Billy Bob Thornton, Bruce Willis dhe Demi Moore etj., janë martuar në Las Vegas.
Kohët e fundit Lily Allen dhe David Harbour, Sophie Turner dhe Joe Jonas si edhe Kourtney Kardashian dhe Travis Barker janë “arratisur” në Las Vegas për t’u martuar.
Wedding Travel Company zbuloi për Euronews se Las Vegas është destinacioni më i popullarizuar për çiftet dhe udhëtimi atje mund të jetë afërsisht 90% më pak se planifikimi i një martese tradicionale. "Njerëzit mund të martohen në një kishëz të vogël të bardhë për një çmim shumë më të përballueshëm." Ndërkohë dritat neoni dhe imituesit e Elvis Presley-t njihen menjëherë në mbarë botën.
Po në Europë? Cili është Las Vegasi europian? Gretna Green në Skoci ka tërhequr shumë çifte për eloping – të ikësh fshehurazi për të martuar.
Ndërkohë Danimarka tërheq shumë çifte gjermane, të cilët shkojnë atje për një martesë të shpejtë.
Amber Peyrotty, një fotografe dhe planifikuese e dasmave të tilla thotë se një destinacion tjetër popullor për çiftet që duan të martohen midis maleve, akullnajave apo plazheve me rërë është Islanda.
Fshatrat mesdhetare mbeten gjithashtu tepër tërheqës.
