Jennifer Lopez dhe Ben Affleck janë zyrtarisht në muaj mjalti dhe gjejeni pak ku ndodhen? Hmm, nuk mendonim se do të ishin kaq të parashikueshëm,  por duke qenë se janë më shumë se të dashuruar, është e kuptueshme pse kanë zgjedhur Parisin.

Ushqim elegant, pamje romantike dhe çdo cep qyteti të frymëzon për dashuri! Sipas TMZ, dyshja janë nisur drejt Parisit pak ditë pas dasmës në Las Vegas dhe pjesa tjetër siç mund ta imagjinoni është histori...

Shumë burime panë çiftit thonë se në javët e ardhshme kur të kthehen nga mini muaji i mjaltit, do të mbahet një ceremoni e dytë në një shtëpi që zotëron Ben Affleck, në Riceboro, Georgia, ShBA. Të ftuarit do të kenë mundësi të dëshmojnë një moment kaq të rëndësishëm për çiftin dhe derisa të ndodhë kjo, J.Lo po planifikon me detaje ceremoninë, së bashku me menaxherin e saj.

Lopez, 52 vjeçe, dhe Affleck, 49, u lidhën fillimisht në fillim të viteve 2000. Ata u fejuan, por nuk u martuan kurrë, duke përmendur si shkak "vëmendjen e tepërt të medias" në një deklaratë që njoftonte se dasma do të shtyhej. Përfundimisht, u ndanë në janar 2004 për t'u rikthyer në 2021-shin e kësaj here, për të jetuar "përgjithmonë të lumtur".