Jennifer Lopez dhe Ben Affleck e kurorëzuan dashurinë e tyre në një dasmë private në Las Vegas dhe i surprizuan të gjithë. Ama, nuk do të mungojë edhe një dasmë e dytë, më e madhe, në të cilën çifti do të ftojë familjarë, miq të afërm, sigurisht, edhe persona të famshëm.
Shumë burime panë çiftit thonë se në javët e ardhshme do të mbahet ceremonia në një shtëpi që zotëron Ben Affleck, në Riceboro, Georgia, ShBA. Të ftuarit do të kenë mundësi të dëshmojnë një moment kaq të rëndësishëm për çiftin dhe derisa të ndodhë kjo, J.Lo po planifikon me detaje ceremoninë, së bashku me menaxherin e saj.
Jo më larg se dje, Lopez dhe Affleck njoftuan se të shtunën mbrëma kurorëzuan dashurinë e tyre në Las Vegas. “Dashuria është e bukur. Dashuria është e ëmbël. Dhe rezulton se dashuria është e durueshme. Njëzet vjet durim”, shkroi Jennifer në buletinin e saj “On the J.Lo”.
Historia e tyre e dashurisë është mjaft e bukur dhe frymëzuese, pasi u lidhën në fillim të viteve 2000, duke u bërë edhe një prej çifteve më të komentuar asokohe. Pas katër viteve, në janar të 2004-ës, J.Lo dhe Ben njoftuan ndarjen dhe një vit më vonë, aktori u martua me Jennifer Garner, me të cilën ka dhe tre fëmijë.
Ndërsa ribashkimi i tyre, i shumëpritur nga fansat, ndodhi pas ndarjes së J.Lo me Alex Rodriguez, të cilët i dhanë fund fejesës vitin e kaluar. Jennifer rigjeti dashurinë dhe paqen me shpirtin e saj binjak, pas 20 viteve, për të na treguar se dashuria triumfon gjithnjë.
Artikuj të sugjeruar:
