Qimet nën lëkurë kanë fuqinë të të ndryshojnë humorin vetëm kur hedh vështrimin nga këmba jote e sapo-depiluar. Janë gjithmonë aty ndonëse ke provuar metoda nga më të ndryshmet për t'i hequr qafe. Po a ka një mënyrë për të shpëtuar prej tyre? 

Ju që s'i keni ende, mund t'i parandaloni...

Shmangni veshjet tepër të ngushta

Fërkimi që ato ushtrojnë në rrënjën e qimeve i bën ato të qëndrojnë në lëkurë në vend që të zhvillohen si normalisht.

Depilohuni teksa bëni dush

Për të shmangur mundësitë e një dëmtimi nga brisku, depilimin lëreni si gjënë e fundit që bëni në dush. Rrënja e qimeve zbutet dhe kjo bën që heqja e tyre të jetë më e thjeshtë, pa qenë nevoja e shumë kalimeve, që shkaktojnë qimet nën lëkurë.

Gjithnjë përdorni një krem depilimi hidratues

Duke qenë se qimet e trasha janë ato që përgjithësisht mbeten nën lëkurë (dhe kjo ndodh zakonisht në zonën bikini), mbajeni këtë zonë të butë duke përdorur një shkumë ose krem depilimi hidratues.

Bëni rregullisht eksfolim

Eksfolimi para çdo mënyre depilimi është një metodë shumë e mirë për të parandaluar rritjen e qimeve nën lëkurë duke qenë se largon qelizat e vdekura që e vështirësojnë daljen e tyre në sipërfaqe.

Kur keni qime nën lëkurë...

Trajtojeni siç do të bënit me aknet

Qimet nën lëkurë janë shumë të ngjashme me aknet, veçanërisht kur infektohen (gjë që ndodh shpesh)Peroksidi i benzolit dhe acidi salicilik disa herë në ditë, kombinuar me eksfolim, është mjaftueshëm për t’i nxjerrë qimet në sipërfaqe të lëkurës dhe të qetësojë lëkurën.

Aplikoni kompresa të ngrohta

Është një mënyrë e mirë për të zbutur qimen dhe për të qetësuar irritimin. Nëse e bëni këtë çdo ditë për disa minuta, e fryra dhe skuqja do të fillojnë të zhduken.

Sigurisht një tjetër opsion i garantuar për zbehjen dhe reduktimin e tyre mbetet epilimi me lazer.

Burimi: Woman's Health