Nëse kudo në TikTok po sheh video mbi “personazhin kryesor”, atëherë duhet të mësosh më shumë rreth togfjalëshit, energjisë dhe si ta përvetësosh dhe përcjellësh atë.

Energjia e “personazhit kryesor” përkon me marrjen në kontroll të jetës tënde dhe të të tjerëve, pra, teorikisht gjithçka ndodh, vërtitet vetëm rreth teje. Të gjithë punojnë për të të përmbushur ty dëshirat. Imagjino sikur je në një film, je personazhi kryesor dhe gjithçka është në shërbimin tënd, në mënyrë që ti të rritesh në çdo aspekt, si dhe çdo dëshirë e jotja të realizohet.

“Duhet të romantizosh jetën tënde. Duhet të mendosh se ti je personazhi kryesor” është mesazhi që një sërë krijuesish në TikTok japin dhe shumë njerëz tashmë, e kanë marrë për bazë këshilën.

Si ta përvetësosh këtë energji?

1. Duke e përcaktuar ti vlerën e vetes

Nuk ka rëndësi se ç’thonë të tjerët, ajo që ka më shumë rëndësi është koncepti që ke ti mbi veten. Në fund, të gjithë do të përshtaten me mendimin tënd dhe siç sillesh ti me veten, do të sillen të tjerët me ty.

2. Krijo një rutinë përkujdesi për veten

Kujdesi ndaj lëkurës, gjumë i rehatshëm, dietë e shëndetshme, palestër…Të gjitha këto të ndihmojnë të përqendrohesh te vetja dhe të kesh energjinë e “personazhit kryesor”.

3. Puno me veten

Sa herë që ke një reagim apo mërzitesh me një situatë të caktuar, kërko thellë brenda teje, gjeje përgjigjen dhe mundohu të përmirësohesh.

4. Mjaft me thashetheme

Personazhit kryesor nuk i intereson fare, po fare se ç’bëjnë të tjerët!

5. Mos e krahaso veten me të tjerët

Nuk ka rëndësi sa perfekt/e duket dikush tjetër, ti vijon të jesh “personazhi kryesor”.

6. Meqë ra fjala te perfeksioni, mos u mundo ta arrish

Perfeksioni është një fjalë si gjithë të tjerat dhe ndryshe nga të tjerat, të streson. Kuptoje njëherë e mirë, perfeksioni nuk ekziston dhe nuk mund të arrihet!

7. Prano veten

Kur ti pranon veten, të gjitha vendosen në vendin e vet. Kështu, nuk do të kesh kurrë mëdyshje mbi karakterin, pamjen dhe vlerat e tua.

Artikuj të sugjeruar: