Kjo është mundësia e artë për shumë maturantë, studentë apo njerëz që duan të ndryshojnë karrierë dhe të jenë gati për të pasur një profesion fitimprurës, të gatshëm për të punuar në çdo cep të globit (qoftë edhe pa lëvizur nga divani i shtëpisë).
Ju me siguri e kujtoni kohën kur të bëheshe avokat apo doktor konsiderohej zgjedhja më e zgjuar për një karrierë të suksesshme. Padyshim që ngelen profesione me rëndësi, por në epokën e teknologjisë, ka gjithnjë e më shumë nevojë për ekspertë të shkencave kompjuterike. Në këtë artikull do të ndalemi konkretisht te parashikimet për këtë fushë dhe ku duhet të drejtoheni.
E nisim duke mos e marrë teknologjinë si të mirëqenë. Për shembull, kur fikim alarmin e telefonit në mëngjes, kur rrimë në Instagram/Tiktok, kur përdorim kompjuterin, kur kontrollojmë gjendjen e llogarisë bankare, kur blejmë online etj., ne jemi duke përdorur shërbime dhe aplikacione për të cilat inxhinierët softuerikë kanë punuar. Pra, janë truri i teknologjive pa të cilat ne nuk mund ta imagjinojmë jetën. Jo më kot, kur bota u izolua nga pandemia dhe shumë industri pushuan punonjësit, pati një rritje 58% të kërkesës për inxhinierë të softuerëve në Amerikën e Veriut dhe Europë. Madje sipas Byrosë Amerikane të Statistikave të Punës (BLS), numri i mundësive të punësimit në këtë fushë parashikohet të rritet me 22% nga viti 2020 në 2030 (norma mesatare e parashikuar për profesionet e tjera është 8%).
Thënë këto, bota po hyn në Revolucionin e Katërt Industrial - automatizimi i punëve dhe profesioneve tradicionale duke përdorur teknologjinë inteligjente. Në këtë pikë, Shqipëria ka fatin që të jetë shteti i 20-të në botë dhe i pari në Europën Juglindore që mirëpret në Tiranë shkollën prestigjioze të Silicon Valley, Holberton School.
Holberton School është një shkollë e shkencave kompjuterike e themeluar në Silicon Valley. Që kur Holberton hapi dyert në vitin 2016, kompanitë më inovative në botë e kanë vënë re. Sot, të diplomuarit e kësaj shkolle janë punonjës në kompani si LinkedIn, Google, Tesla, Apple, Dropbox, Facebook, Pinterest, Genentech, IBM e shumë më tepër.
Ndryshe nga disa kampuse të tjera, ky institucion mund të përshkruhet si një përzierje e përsosur e të mësuarit sipas programeve universitare dhe mësimit të bazuar në kurse. Holberton School është shkolla e vetme në Shqiperi dhe rajon që ofron këtë metodë të mësimdhënies dhe mësimnxënies, e cila u mundëson studentëve punësim të menjëhershëm pas diplomimit. Qëllimi është që të përgatisë programues dhe inxhinierë softueri të një niveli të lartë, të aftë për të plotësuar nevojat e tregut të punës në vend, Europë dhe botë përmes një procesi edukimi cilësor dhe inovativ të ndërtuar në Silicon Valley.
View this post on Instagram
“Në shkollën Holberton, ne nuk mësojmë vetëm të kodojmë. Ne mësojmë si të mësojmë së bashku,” thanë përfaqësues të Holberton për Anabel. “Shumica e punëve të së ardhmes nuk ekzistojnë ende. Ajo që duhet t'u mësojmë të rinjve tanë është se si të mësojnë, si të mësojnë shpejt dhe me efikasitet, në një botë ku ka shumë informacion të aksesueshëm për ne dhe në një botë ku ata do të duhet të kenë shumë punë dhe karriera të shumta.”
View this post on Instagram
Një nga veçantitë te Holberton është fakti se metodologjia është ndërtuar në mënyrë të tillë që të aftësojë një person pa njohuri të mëparshme për t’u bërë programues apo inxhinier softueri. Nëse merrni me vete dëshirën, vullnetin dhe jeni të sigurt te përkushtimi juaj, mund të aplikoni në këtë link ku të duhet thjesht të përzgjedhësh informacionin e duhur dhe ta përdorësh për të zgjidhur problemën e parashtruar. Pra, mos u shqetësoni nëse jeni fillestarë!
Përzgjedhja bëhet automatikisht nga programi sepse në Shkollën Holberton është e pamundur “të fusësh mik”. :)
