Në vazhdën e vendimit të Gjykatës së Lartë në SHBA, Halsey po reflekton mbi abortin që "i shpëtoi jetën".
Ylli i popit, e cila ka qenë e hapur për luftën me endometriozën dhe përjetimin e një aborti në të kaluarën, zbuloi se ka kaluar 3 aborte para se të mbushte 24 vjeç, në një letër të hapur në Vogue.
“Një nga shtatzënitë e mia kërkonte ‘përkujdesje të mëtejshme’, një mënyrë e butë për të thënë se do të kisha nevojë për një abort, sepse trupi im nuk mund ta ndërpriste plotësisht shtatzëninë vetë dhe unë rrezikoja jetën. Gjatë kësaj procedure, qava. Kisha frikë për veten time dhe isha e pafuqishme. Isha e dëshpëruar për t'i dhënë fund shtatzënisë që po më kërcënonte jetën.”
Halsey solli në jetë fëmijën e parë, djalin Ender Ridley Aydin, me partnerin Alev Aydin në korrik 2021. Pavarësisht se kjo shtatzëni ishte një eksperiencë e bukur, ajo thotë se "pas përvojave të kaluara, ishte përgatitur për më të keqen".
“Kur lindi Ender, bota heshti. Trupi im, të cilin e kisha urryer për vite me radhë për ‘dështimin’ rutinë, kishte bërë gjithçka siç duhet”, shkroi Halsey. “Kapitulli i gjatë i jetës sime dhe aborteve u reduktua në një faqe në atë moment. Thjesht u nda në "përpara" këtij momenti dhe të gjitha gjërat që do të vinin pas tij. Vite me gjak, dhimbje dhe mjerim nga shtatzënitë gati të rrezikshme dhe të padëshiruara, pastaj euforia e mëmësisë së zgjedhur".
Ajo shtoi:
“Shumë njerëz më kanë pyetur nëse kam rishqyrtuar qëndrimin tim ndaj abortit, që kur kam lindur një fëmijë pas vitesh përpjekjesh për ta bërë këtë. Përgjigja është me vendosmëri jo. “Në fakt, kurrë nuk jam ndjerë më e bindur për këtë. Aborti im më shpëtoi jetën dhe i hapi rrugë djalit tim që të kishte të tijën.”
Rrëfimi i plotë është këtu.
Burimi: Glamour
