Horoskopi Mujor

Horoskopi i Susan Miller për muajin korrik 2022: Peshorja dhe Akrepi

Shkruar nga Anabel

4 Korrik 2022

Horoskopi i Susan Miller për muajin korrik 2022: Peshorja dhe Akrepi

Horoskopi i Susan Miller për muajin korrik 2022: Peshorja dhe Akrepi

Në rast se po shpresonit për një muaj të qetë, mos prisni më. Në fakt, do të ndodhin shumë gjëra këtë periudhë, prandaj më mirë t'i planifikoni pushimet për në gusht. Gjatë korrikut do të përballeni me disa mundësi të reja në lidhje me karrierën që do të ishte lajm i keq t'i humbisnit. 

Ndikimin e Hënës së Re të 28 qershorit, do ta ndjeni gjatë dy javëve të para të korrikut. Me Afërditën pranë jush, do ta ndjeni veten në vendin dhe kohën e duhur për të përfituar nga një mundësi e shkëlqyer karriere që ju jepet ndërkohë që të tjerët janë me pushime.

Mund të shqetësoheni pak përsa i përket parave dhe shpenzimeve të larta dhe duke nisur nga 5 korriku do të marrin pjesën më të madhe të vëmendjes suaj.

Marrja e një klienti të ri (nëse jeni të vetëpunësuar) apo një titull i ri si pasojë e promovimit në punë, do t'ju ndihmonte t'i përballonit shpenzimet e kësaj periudhe. Do të jeni goxha të motivuar për të përfituar nga ajo çfarë bota po ju ofron. Shpenzimet e tepërta do të reduktohen pas 20 gushtit. 

Edhe situata e shtëpisë do të jetë në fokusin tuaj pasi po mendoni të zhvendoseni. Kësaj here mund të merrni përfundimisht një zgjedhje që ju del para syve në mënyrë fare spontane. Pas 13 korrikut mund të gjeni arkitektin e duhur për të ndryshuar, ridekoruar apo rregulluar brenda shtëpisë gjëra që doni t'i shihni ndryshe. 

Sigurisht që ndryshimet brenda shtëpisë përfshijnë gjithashtu shpenzime, por siç e thamë, konsiderojeni veten me fat pas Hëna e Plotë e 15 qershorit, ju bën të jeni të tillë.

Në 31 korrik Marsi dhe Urani do të bashkojnë forcat për t'ju sjellë lajme të papritura gjatë atyre ditëve. E sigurtë është që do t'ju pëlqejë çfarë do të dëgjoni. Pas një muaji të mbushur me vendime karriere, finance, shtëpie apo nevojash familjare, do të gjeni kohë për të bërë pak qejf. Në fund të ditës, ju jeni shenja më sociale e zodiakut. Jupiteri është në shtëpinë tuaj të 11-të, atë të gëzimit, shoqërisë dhe aktiviteteve- planifikoni diçka interesante.

Nga 28 korriku deri në gjysmën e parë të gushtit do të keni shumë ditë eventesh dhe pushimesh në kalendarin tuaj, ku i përfshirë është gjithashtu edhe partneri juaj. Muajin tjetër do të keni mundësi të bëni më shumë qejf, falë Hënës së Re që do të shkëlqejë për ju gjatë gjithë gushtit. Shumë gjëra do të ndodhin në fund të korrikut, prandaj emocionohuni.

Horoskopi i Susan Miller për muajin korrik 2022: Peshorja dhe Akrepi

Ky do të ishte një muaj ideal për të udhëtuar dhe eksploruar gjëra të  reja, duke lënë pas gjithë shqetësimet e rutinës së përditshme. Hëna e Re e 28 qershorit, do t'ju shtojë edhe më dëshirën për të udhëtuar diku, bashkë me familjen tuaj.

Mund të përballeni me disa vështirësi në gjërat që doni të bëni, pasi Marsi mund të jetë në konflikt me planetin tjetër tuaj udhëheqës, Plutonin. Makina juaj ndoshta ka nevojë për ndonjë rregullim ose puna ju kërkon me ngulm të përfundoni një projekt të lodhshëm brenda afateve të caktuara. Përsa i përket parave, mos u shqetësoni. Edhe nëse në ndonjë moment ndiheni të zënë ngushtë do të keni mbështetjen e familjes. 

Dëshira për të udhëtuar do të rritet edhe më 5 ditë pas Hënës së Plotë, 13 korrik. I dashuri ose bashkëshorti juaj do të luajë gjithashtu një rol të rëndësishëm në këtë dëshirë pasi mund të jetë ai që të japë idenë se ku do të shkoni apo të të surprizojë me planifikimin e një udhëtimi. Nuk ka rëndësi nëse do të jetë udhëtim spontan apo i planifikuar, sapo të ndodheni atje do të përballeni me surpriza.

Do të ishte mirë që ta linit qytetin në korrik sepse në gusht do të duhet të riktheheni për shkak të karrierës. Dyer të reja do t'ju hapen muajin e ardhshëm dhe ju duhet të jeni të pranishëm që t'i shijoni dhe jetoni siç e meritoni. Lajmet në lidhje me punën pritini gjatë javës së parë të gushtit. Kjo është Hëna e Re më e rëndësishme e gjithë vitit, prandaj përfitoni nga mundësitë që ju vijnë muajin e fundit të verës.

Duket se projektet që keni realizuar së fundmi, kanë tërhequr vëmendjen e dikujt me shumë ndikim i cili ka treguar interes për ju dhe punën tuaj. Me shumë gjasa është pikërisht ky njeri i rëndësishëm që do t'ju ofrojë një mundësi, apo një titull të ri duke ju inkurajuar të vazhdoni para. Doni shumë të punoni në diçka të re, të paprovuar më parë dhe ky është pikërisht viti i eksperimentit. Marsi, planeti juaj udhëheqës do të jetë në prapavijë për muaj me radhë deri në tetor. Mërkuri nga ana tjetër do të jetë në prapavijë përgjatë gjithë shtatorit. Thënë këtë, do të ishte perfekte nëse merrni një vendim karriere këtë muaj ose tjetrin. Në të kundërt, prisni deri në mars, prill ose maj të 2023 për t'i ndryshuar gjërat. Nuk është veprim i zgjuar të ndërroni punë kur planetet më të rëndësishme për ju janë në prapavijë.

Nëse s'keni asnjë nxitim për të ndërruar punë, shanse të tjera do të keni në 2023- periudha perfekte për të treguar talentin dhe për të nisur punën që keni ëndërruar gjithmonë.

MOS I HUMBISNI