Shënimet e Brian Laundrie që përmbajnë rrëfimin e tij për vrasjen e të fejuarës, Gabby Petito, janë publikuar.

FBI dha në një deklaratë për shtyp në janar se Laundrie, i cili vdiq nga vetëvrasja, la pas një fletore me "deklarata të shkruara" që pretendonin "përgjegjësinë për vdekjen e Petito-s". Më 24 qershor, një avokat i prindërve të tij, të cilët janë paditur nga familja e Gabby Petito-s për vdekjen e saj, publikoi kopjet e shënimeve, të cilat ishin pjesërisht të njollosura nga çfarë duket si dëmtim nga uji.

“I dhashë fund jetës së saj,” shkroi Laundrie. "Mendova se ishte e mëshirshme, se ishte çfarë ajo donte, por tani i shoh të gjitha gabimet që kam bërë. Më kapi paniku, isha në shok.”

23-vjeçari shkroi se Petito u plagos teksa të dy tentuan të kalonin një përrua. Ai vuri në dukje se ajo kishte një "gungë në ballin e saj", ishte "e ftohtë" dhe "i lutej që t’i jepte fund dhimbjes së saj".

Laundrie shtoi: "Që nga momenti që vendosa, që i hoqa dhimbjen, e dija se nuk mund të vazhdoja pa të." Ai gjithashtu e quajti vdekjen e saj një "tragjedi të papritur, duke shtuar, "Gabby ishte dashuria e jetës sime, por unë e di që shumë e adhurojnë. Më vjen shumë keq për familjen e saj sepse i dua ata”.

Një avokat i familjes Petito, Patrick Reilly, i tha People se pohimi i Laundrie-s se vrasja ishte e mëshirshme dhe erdhi nga një aksident është "marrëzi", duke shtuar, "Ai shkroi një letër sikur donte që njerëzit të ndjenin keqardhje për të".

Gabby Petito, 22 vjeç, u gjet e vdekur në një zonë të largët të Pyllit Kombëtar Bridger-Teton në Wyoming në shtator, tetë ditë pasi prindërit e saj e raportuan të zhdukur dhe 18 ditë pasi Laundrie u kthye i vetëm tek prindërit e tij pas udhëtimit të çiftit me furgon.

Hetimet nxorën në pah se Gabby humbi jetën si pasojë e vrasjes përmes mbytjes. Në tetor 2021, FBI konfirmoi se eshtrat e gjetura në Florida i përkisnin Brian Laundrie.

Vdekja e Gabby Petito-s tronditi internetin vitin e kaluar dhe u shndërrua në një temë tepër të diskutueshme në rrjete sociale. Për më shumë për rastin e 22-vjeçares së ndjerë, mund të lexoni: