Një postim i Fifit dedikuar të dashurit të saj, Adis Patushi, është bërë objekt kritikash në rrjete sociale.
“Përtej dashurisë! S’jemi të parët në jetët tona, po një gjë e di – ty do të të dedikoj veten. Më fal që nuk jam ruajtur vetëm për ty, po një gjë e di – për ty do jetoj. Të gjeta çmenduria ime, dashuria që e kërkova për vite me radhë. Të dua.” – shkruan ajo.
Fill pas kësaj, jo pak njerëz kanë kritikuar postimin e saj. “Mirëmëngjes, Fifi! Unë jam Zhaklin Lekatari, jam gazetare dhe sot u zgjova e neveritur nga deklaratat e tua. Mua nuk më intereson shumë se çfarë bën ti në jetën tënde, me sa njerëz bën seks, por ajo që mua më intereson është që audiencën dhe hapësirën ta përdorësh për mirë, jo ta përdorësh për t’u mësuar vajzave të vogla që ajo duhet ta ruajnë veten për një person,” u shpreh në Instagram gazetarja Zhaklin Lekatari.
“Nëse ti do ta ruash veten për një person sepse mendon që vlerën ty ta jep ai person, bën mirë ta mbash për vete dhe jo të promovosh broçkulla të tillë,” vazhdon Lekatari.
Në postimin e Fifit vihen re komente të ngjashme. “Mos thuaj ‘më fal që nuk jam ruajtur vetëm për ty’. Nuk duhet t’ia thuash askujt, Fifi. Asnjë vajzë nuk duhet t’ia thotë këtë një djali. Po ai është ruajtur për ty? Jo, ai është baba dhe ka qenë burri i dikujt. Pse duhet t’i kërkosh falje? Nuk është bukur mendoj unë të thuash këtë gjë, sidomos nga ti që je idhulli i shumë njerëzve që të ndjekin,” lexohet në një koment.
“Të lutem, ti paskërke gjetur dikë që të ‘kupton’ pse s’je ruajtur për të? Po çfarë mesazhi u jep vajzave të tjera që s’e kanë pavarësinë tënde dhe që nuk ruhen për një burrë? Dashuria e vërtetë nuk matet me ruajte. Të lutem, ju që jeni fytyra publike mendoni mirë se çfarë mesazhi u jepni vajzave që ju ndjekin,” thotë një tjetër.
“Njeriu nuk ruhet për askënd, thjesht jeton jetën e tij! Pesho pak më shumë fjalët që thua se ky mesazh është i gabuar e mënyra e të menduarit është shumë e trishtë,” shkruan një tjetër komentues.
Referuar komenteve, Fifi postoi këtë:
