Celebrity

Khloe Kardashian ka një partner të ri në jetën e saj dhe për këtë duhet të falenderojë motrën!

Shkruar nga Anabel

21 Qershor 2022

Khloe Kardashian ka një partner të ri në jetën e saj
Photo Credits: People

Page Six konfirmon se Khloe Kardashian ka një partner të ri në jetën e saj. Një burim i tha medias se "ajo po del me një investitor të kapitalit privat, të cilin e njohu përmes motrës së saj të madhe, Kim Kardashian".

Burimi i brendshëm thotë se "lidhja është ende në fazat e hershme", por "Khloe po ndihet vërtet mirë".

Për më tepër, sipas People, Khloé dhe ish-partneri, Tristan Thompson, nuk flasin për asgjë tjetër përveç vajzës së tyre, True, 4 vjeç.

Gjatë fundjavës, themeluesja e "Good American" mohoi zërat se "ajo ishte lidhur me një tjetër lojtar të NBA".

Megjithëse ajo këmbënguli se s'kishte askënd në jetën e saj, gjasat janë që thjesht ka preferuar ta mbajë të fshehtë jetën e saj romantike këto ditë.

Marrëdhënia e saj e fundit e madhe me Thompson, me të cilin filloi të dilte në vitin 2016, ishte shumë publike dhe e vëzghuar shumë.

Pavarësisht skandaleve të shumta të  tradhtisë, ish-ylli i "Keeping Up with the Kardashians" nuk hoqi dorë nga Thompson, derisa një test i atësisë vërtetoi se atleti ishte babai i djalit tashmë 6 muajsh të modeles së Instagramit Maralee Nichols.

Khloé qau duke rijetuar situatën "e neveritshme", por mesa duket, tani po jeton ditë më të qeta dhe me më shumë dashuri.

Burimi: Page Six

MOS I HUMBISNI