Nëse Kate Middleton na frymëzon për fustanet aq elegante dhe me shije të hollë, Meghan Markle është burim frymëzimi kur duam një miks të modernes dhe finesës tek veshjet e përditshme.
Zgjedhja e fundit e princeshës përshembull ishte xhinsi! Meghan i bëri një palë xhinse të shkurtra vere të duken fare të zakonshme duke i veshur sipas mënyrës së saj. E fokusuar 100% tek princ Harry që luante ndeshjen e tij të polo-s në Santa Barbara, Meghan dukej sa e thjeshtë, praktike aq edhe e veshur me shumë klas! Xhinset e shkurtra, Markle i kombinoi me një këmishë po xhins me mëngë të kthyera dhe një pulovër ngjyrë kafe të hedhur krahëve.
Veshjes i përshtati sandalet minimaliste prej lëkure po në ngjyrë kafe dhe një palë syze oversize për të mos patur asnjë lidhje me diellin.
Lajmi i mirë? Veshjen e Meghan e rikrijoni fare lehtësisht dhe mund të dukeni po kaq klas nëse bëni zgjedhjen e duhur për secilin prej elementëve.
Burimi: Who What Wear
