Njëmbëdhjetë restorante buzë detit në ishullin spanjoll të Majorkës (Mallorca) kanë vendosur një kod veshjeje për klientët. Qëllimi i tyre është të ndryshojnë atë që e përshkruan si një valë të sjelljes antisociale të turistëve të dehur.

Në këto restorante, shumica e të cilave janë në Playa de Palma, njerëzit pa bluza ose të veshur me fanella futbolli nuk do të lejohen më, tha (via Guardian) Juan Miguel Ferrer nga Palma Beach.

"Ajo që ne po përpiqemi të komunikojmë, në një farë mënyre, është ideja që për të hyrë këtu duhet të bëni dush ose të ndryshoni veshjet," shtoi ai. "Ju nuk do të vini këtu me rroba plazhi ose do të vini direkt pasi keni pirë rrugëve.”

Vendimi u nxit nga vërshimi i turistëve në dukje më të interesuar për të pirë se sa për të eksploruar gastronominë lokale apo hijeshitë e ishullit, tha ai. “Që nga 10 maji, ne jemi përballur me ardhjen e grupeve të mëdha të turistëve që kërkojnë vetëm të dehen në rrugë, në breg të detit apo edhe në plazh”.

Ai e përshkroi situatën si më të keqe në krahasim me vitet para pandemisë, duke e konsideruar atë një "realitet të pafat".

Artikuj të rekomanduar: