Prindërit shqiptarë janë origjinalë në çdo drejtim, veçanërisht në botën virtuale. Si është dita e tyre në rrjetet sociale?
Mëngjesi
Nis me një foto/ gif, ku përmes një filxhani kafeje dhe një buqete me trëndafila, të urojnë një ditë sa më të bukur.
Dreka
Muzikë popullore dhe një share të këngëve të Ponit, Ylli Bakës, ndonjëherë edhe për nostalgji, të Vaçe Zelës, Kozma Dushit ose Sherif Merdanit.
Recetat
Askush nuk i merr vesh...
Pasditja
Gatimi i një vakti ose ëmbëlsire (shëndetli, kek, zupë në përditshmëri) dhe natyrisht, kadaif apo bakllava në raste festash. Nga e dimë ne? Sepse ekziston gjithmonë një foto ku krenohen sa amvisa të mira janë.
Muzgu
Një foto në një restorant, me një gotë para. Osee, një foto me miken/ un, të cilin e kanë takuar si çdo ditë për një kafe.
Mjeshtra të reagimeve
Nëse i thua “mami/ babi, bli një kos”, do marrësh një like që del nga ekrani i telefonit.
Dakordësim, pa lidhje me muhabetin
“Babi, kemi bukë në shtëpi?”. Cila është përgjigjja? “Ok”.
Po, shumë i qartë, si përherë.
“Duhet gjë për në shtëpi?”, - pyet ti, me të drejtë.
“Ok” përgjigjet mami.
Epo, blije për siguri se gjithsesi, ti do t’i hash të bërtiturat.
Darka
Telefonata me video, ku personi tjetër sheh vetëm gjysmën e fytyrës. Efekte speciale? Gjithmonë fjalia: "Nuk të shoh mirë". "E, s'ke internet më duket".
Nëse po flasin në telefon, është gjithmonë shprehja: "Ke ofertë apo të të marr unë?".
Copyright Anabel.al / Ndalohet ribotimi pa lejen e redaksisë.
