Pas gjithë skandalit dhe akuzave për tradhti që rëndojnë mbi Adam Levine, të gjithë sytë janë mbi gruan e tij, Behati Prinsloo, e cila është shtatzënë për herë të tretë me fëmijën e tij.
Çifti është parë së fundmi bashkë me vajzën e tyre 5-vjeçare në Santa Barbara, por duke qenë se provat për mesazhe flirtuese (dhe jo vetëm) thellohen, modelja e modelja e Victoria's Secret, Behati Prinsloo, ka nisur të japë mesazhe të koduara edhe përmes veshjes.
Në veshjen e fundit, në bluzën e 34-vjeçares shkruhej "Love" dhe nëpër të gjithë bluzen stampohej një gjarpër. Keni nevojë ende për qartësi situate?
Nëse veshja është një mesazh për të gjithë komentet lart e poshtë, Behati qartazi thotë se ka ende shumë dashuri pavarësisht gjarpërinjve helmues që po përpiqen t'i "prishin harmoninë".
Nga ana tjetër, 43-vjeçari është akuzuar se ka ngacmuar vazhdimisht përmes mesazheve flirtuese në DM modelen Sumner Stroh. Kjo e fundit është shprehur se është ndjerë e manipuluar nga ylli i muzikës.
Ndërkohë, për People, burime pranë Prinsloo thonë se ajo është e mërzitur, por çifti po përpiqet t'i zgjidhë gjërat.
“Ai pranoi se ka gabuar dhe është sjellë si idiot. Megjithatë ajo është shumë e mërzitur. Megjithatë, burimi e përshkroi si "100% të përkushtuar ndaj familjes së saj".
Dyshja janë martuar në 2014-ën, janë prindër të dy fëmijëve dhe në pritje të një të treti.
- Adam Levine dhe akuzat për tradhti: EmRata ka një mendim mbi situatën (dhe modelen)
- Akuzat për tradhti: Si është qëndrimi i Behati Prinsloo në gjithë këtë rrëmujë?
- Në një video të re, ish-e dashura e Adam Levine, i kërkon falje bashkëshortes së tij!
- Nisur nga skandali i Adam Levine: Si ta kuptosh nëse i dashuri yt u shkruan gocave të tjera?
Burimi: Page Six
