Johnny Depp duket se është gati për një rikthim. Aktori iu bashkua TikTok-ut pasi fitoi gjyqin për shpifje kundër ish-bashkëshortes Amber Heard.

Ylli i “Pirates of the Caribbean” po shkon në 4 milionë fansa në TikTok. Nëse mendoni se është një llogari false, jo – ka shenjën blu që tregon se bëhet fjalë për Johnny Depp të vërtetë.

Depp madje ka postuar edhe një video të cilën më pas e shpërndau edhe në Instagram. Në video shkruhet:

“Për të gjithë mbështetësit e mi më të çmuar, besnikë dhe të palëkundur. Kemi qenë kudo bashkë, kemi parë gjithçka bashkë. Së bashku kemi ecur në të njëjtën rrugë. Ne bëmë gjënë e duhur së bashku, sepse u kujdesët. Dhe tani, të gjithë së bashku do të ecim përpara. Ju jeni, si gjithmonë, punëdhënësit e mi dhe përsëri nuk di si të them faleminderit, përveçse thjesht duke thënë faleminderit. Pra, faleminderit. Me dashuri dhe respekt, JD.”

Tani që Johnny e bëri postimin e parë në TikTok, a mos duhet të bëjë edhe #captainjacksparrowchallenge?