Duka dhe Dukesha e Sussex si rrallëherë kanë publikuar një foto të vajzës së tyre, Lilibet me rastin e ditëlindjes së saj të parë. Që nga dita kur lindi, njerëzit nuk e kishin të qartë portretin e vogëlushes, e cila duket se është kopje identike e vëllait të madh, Archie dhe padyshim princit Harry.
Lilibet, pozon e ulur dhe e qeshur teksa feston ditëlindjen në piknikun e organizuar nga çifti në Frogmore Cottage në Windsor. Princ Harry dhe Meghan u shprehën se ishin "thellësisht të prekur" nga urimet e ditëlindjes që morën për fëmijën e tyre të dytë, të cilës emri iu vendos në nder të mbretëreshës.
Festa e 1-vjetorit erdhi pas eventeve disa ditore të organizuara për jubileun e mbretëreshës Elizabeth, për 70-vjetorin e saj në krye të monarkisë. Ish-mbretërorët bënë daljen e parë publike në Britani që prej 2020-ës.
Me rastin e ditëlindjes së Lilibet, thuhet se Harry dhe Meghan kanë bërë bamirësi që arrin në shumën prej $100,000, duke siguruar ushqim për shtresat në nevojë. Lilibet është stërmbesa e 11-të dhe e 8 në radhë për fronin. Vëllai i madh, Archie erdhi në jetë në maj të 2019-ës.
Burimi: BBC
