Eventet për të nderuar jubileun e mbretëreshës Elizabeth- 70 vjetorin e saj në krye të fronit- nisën që mëngjesin e të martës. Pjesë e tyre ishte padyshim e gjithë familja, por më shumë vëmendje se vetë mbretëresha mori princi i vogël Louis.
Gjatë organizimit të Trooping The Colour (një shfaqje madhështore ushtarake që parakalojnë në oborrin e pallatit të Buckingham, bashkë me monarkun, princin Charles), e gjithë familja qëndronte në ballkonin mbretëror për të mos humbur asgjë nga ceremonia nderuese, por princi Louis dukshëm u lodh nga traditat e zgjatura dhe nuk ngurroi fare të reagonte.
Princi George, 8-vjeç, princesha Charlotte, 7 tashmë të rritur dukeshin të entuziasmuar me paradën, kurse Louis bëri çdo mimikë të mundshme për të treguar se ishte i acaruar në formën më *të adhurueshme* të mundshme.
Me duart e vendosura në vesh, princi i vogël duket se nuk duron dot zhurmën dhe nis të bërtasë. Ndërkohë e motra që i qëndron pranë, princesha Charlotte i thotë të shohë "aeroplanin lart në qiell", por Louis as që do t'ja dijë ç'po ndodh rreth e qark.
Mimikat e tij sa origjinale aq edhe të lezetshme ishin sot kryefjala e çdo artikulli që fliste për përvjetorin e rëndësishëm të mbretëreshës, sepse siç duket nga fotot- princi Louis, 4-vjeç, është i parezistueshëm!
Burimi: Elle
