Mirë se vini në një botë ku të gjithë rikthehen te seriali/filmi i preferuar!

Le të jemi të sinqertë, të gjithë e kemi një film që na dhuron nostalgji dhe në periudha të caktuara, i bindemi zemrës dhe e bëjmë search.

Fatmirësisht, rishikimi i filmave dhe serialeve që na pëlqejnë sjell përfitime shumë pozitive, pasi na duket sikur rrethohemi nga ndjesi shumë familjare dhe miq të vjetër. Edhe pse e dimë çfarë ndodh, sërish ndihemi të plotësuar dhe komodë.

Ne, qeniet humane duam të përkasim diku dhe seriali apo filmi i preferuar është gjithmonë “vendi” që na fal ndjesinë e përkatësisë. Kur i shohim, ndodhemi në një zonë rehatie, me një film që nuk na sjell të papritura, vetëm pozitivitet.

Sipas Prof. Shira Gabriel, ka një emocion shumë të fortë që na shtyn të rendim drejt këtyre narrativave që tashmë i dimë. Gjithashtu, nëse ne rishohim për të disatën herë serialin apo filmin e preferuar, nuk ndihemi të vetmuar, përkundrazi përjetojmë një lidhje të pathyeshme mes vetes, realitetit dhe botës moderne.

Pra, po shkojmë të shohim “Friends”. Na mirëkuptoni.

Burimi: Unilad