E dimë që ka një listë me sende të cilat i merr me vete në çdo takim, por ndoshta duhet të shtosh edhe një kristal, pasi ka fuqinë të të ngrejë humorin, të të bëjë të adhurueshme në sytë e personit që ke përballë dhe të tërheqë dashurinë drejt teje. Nuk mund ta refuzosh një katalizator të tillë, ndaj lexo më shumë.
Nuk ka rëndësi madhësia e kristalit, mund të jetë në trajtën e një bizhuterie, apo thjesht një copëz e vogël që e ka vendin në çantë dhe jo vetëm…Tani, si ta kthesh një kristal në armën tënde më të fortë?
Zgjidh kristalin që do, merr një enë (e cila përbëhet nga material natyral), mbushe me ujë dhe lëre të përthithë dritën e hënës. Vendos brenda kristalin.
Po, ç’të bësh më pas?
Mund ta pish ujin në enë dhe të vizualizosh takimin tënd. Mos njih limite dhe shfrenoje sa dhe si të duash imagjinatën.
Mund të lahesh me ujin e hënës. Zhytu në vaskë dhe mendo për djalin që ke qejf. Imagjino sikur kristali të mbush nga koka te këmbët me vetëbesimin dhe energjinë e duhur.
Mund të meditosh me kristalin. Vendose afër zemrës dhe mendo për skenarin më të mirë të mundshëm. Më pas, përqendroje vëmendjen te një dritë e kuqe ose rozë, e cila del nga pika ku ke vendosur kristalin, shkon drejt zemrës dhe përhapet në të gjithë trupin.
Merre me vete. Vendose te reçipetat ose në xhep. Ki parasysh: gjithmonë në anën e majtë. Do të të uronim fat, por nuk të duhet kur ke me vete një kristal!
- Për spiritualistët: Këto 5 kristale janë enkas për të tërhequr më shumë ~para~
- Cili gur i çmuar lidhet me muajin tuaj të lindjes dhe çfarë përfaqëson ai
- Kristalet që ju largojnë energjinë negative, bazuar te shenja e horoskopit
- 5 gurë të çmuar nëse doni të ndryshoni fatin në dashuri
- Kristalet: Një guidë e thjeshtë për fillestarët
