Jason Momoa është sërish në krye të titujve rozë! Pak kohë pas ndarjes nga Lisa Bonet, aktori thuhet se ka nisur një romancë të re me një tjetër të famshme!
Kësaj here bëhet fjalë për këngëtaren dhe aktoren meksikane Eiza Gonzales. Ndonëse asnjëri prej të dyve nuk e ka konfirmuar lidhjen, dyshja janë parë shpesh bashkë kohët e fundit.
"Ata dalin bashkë dhe ai është shumë i interesuar pas saj. Ai (Jason) është shumë i zënë me punë, por duket i lumtur krah saj."- janë shprehur burime pranë aktorit. Të tjerë thonë se dyshja s'ka ende diçka serioze, të paktën për momentin, por po shijojnë shoqërinë e njëri-tjetrit.
Madje Jason ka qenë i pranishëm edhe në premierën e filmit të ri të Eiza-s, "Ambulance" muajin e shkuar.
Lajmi i një romance të re erdhi 4 muaj pas ndarjes së Jason dhe Lisa-s dhe thuajse menjëherë pas zërave që thoshin se ish-çifti mund të jenë ribashkuar. Ndërkohë Eiza lidhjes së saj të fundit me sportistin Paul Rabil i dha fund në dhjetor të 2021-it.
Pra, të dy janë shumë single, por a janë bashkë? Përgjgjen përfundimtare do ta japë vetëm koha!
Burimi: BuzzFeed