Astro Fun

Energjia e 'that girl': Pse tek vajzat e këtyre 4 shenjave ndihet më shumë?

Shkruar nga Anabel

15 Maj 2022

Energjia e 'that girl': Pse tek vajzat e këtyre 4 shenjave ndihet

Nëse e keni hapur TikTok-un kohët e fundit, shanset janë të larta që të keni vënë re postime të tipit "that girl" -"ajo vajza". Shkurtimisht, kjo frazë përdoret për të përshkruar dikë që prioritizon kujdesin ndaj vetes, duke bërë gjatë gjithë ditës gjëra që do ta ndihmonin të ndihej më mirë fizikisht, emocionalisht dhe mendërisht. 

Energjia e një vajze të tillë ndihet brenda pak minutash nga koha që mund ta takoni, por cilat janë më të prirura të kenë vajza me energjinë e "that girl"?

Demi

Ndoshta kur mendoni për "that girl", Demi s'është shenja e parë që ju shkon në mendje, por ja që është e tillë. Si shenja Toke, vajzat e kësaj shenje janë shumë të lidhura me trupin e tyre, preferojnë cilësinë mbi sasinë dhe investojnë gjatë gjithë kohës tek vetja. Energjia e "vajzës në qëndër të vëmendjes" dallohet lehtësisht sapo ajo është e pranishme diku.

Luani

Luanët gjithmonë i ka shoqëruar reputacioni i të qënit të fiksuar pas vetes, dëshira për vëmendje, etj, etj, por në fakt kjo shenjë thjesht di çfarë e bën më shumë të lumtur. Nuk do t'ju ndodhë kurrë të lodheni për t'i mbushur mendjen një vajze të kësaj shenje të kujdeset për veten. Ato vdesin të bien në sy për mirë, prandaj fare lehtë do ta ndanin me ju rutinën ditore të përkujdesjes.

Virgjëresha 

Organizuesit e zodiakut. Duket sikur kanë gjithmonë gjithçka gati kur vjen puna tek zgjimi i mëngjesit, punët e shtëpisë, ushqimi, kujdesi ndaj trupit dhe vetes, etj, etj. Janë shumë të mira në përpilimin e axhendës dhe zbatimin e saj.

Peshorja

Kjo shenjë përfaqësohet nga një peshore, prandaj të jenë të ekuilibruar në mendje, trup dhe shpirt është e rëndësishme për to. Vajzat e kësaj shenje e dinë çfarë është më e mira për to dhe jetën e tyre, madje mund të jenë këshilluese të papara edhe për të tjerë njerëz. Njësoj si Demi edhe Peshorja e vlerëson bukurinë si jashtë dhe brenda. Janë socialë dhe gati për të ndihmuar të tjerët me këshilla kur është nevoja. Eshtë shumë e thjeshtë për një vajzë e kësaj shenje të shpërndajë në mënyrë natyrale energjinë e "that girl" në çdo tavolinë ku ndodhet. 

Burimi: Bustle

MOS I HUMBISNI