Mbrëmjen e djeshme, Britney Spears njoftoi se fatkeqësisht shtatzënia e saj është ndërprerë. Përmes një mesazhi në llogarinë e saj të Instagramit, këngëtarja tha se ajo dhe i fejuari i saj Sam Asghari e kanë humbur bebushin, të cilin ajo e quante "bebi mrekulli".

"Me dëshpërim të madh na duhet t'ju njoftojmë se kemi humbur bebin tonë mrekulli në muajtë e parë të shtatzënisë. Kjo është një periudhë e tmerrshme për një prind. Ndoshta duhet të kishim pritur edhe pak më shumë para se ta ndanim lajmin, por ishim aq të lumtur dhe të emocionuar sa donim ta merrnin vesh të gjithë. Dashuria për njëri-tjetrin është forca jonë më e madhe. Ne do të vazhdojmë të përpiqemi për ta zgjeruar familjen dhe ju jemi shumë mirënjohës për gjithë mbështetjen."- shkruhet në mesazhin e çiftit, ku thuhej se në këto momente më shumë se kurrë kanë nevojë për privatësi.

Ylli i pop-it e bëri publik lajmin e shtatzënisë së tretë gjatë prillit. Dyshja gjithnjë kanë shprehur hapur dëshirën për të pasur një familje të madhe bashkë. Spears është nën e dy djemve adoleshentë nga martesa me Kevin Federline.