Muzika

Finalja e Eurovision: 5 këngët pretendente për fitore

Shkruar nga Anabel

14 Maj 2022

Finalja e Eurovision: 5 këngët pretendente për fitore

Gjithçka mund të ndodhë në Eurovision dhe rezultati mund të përmbyset në pak minuta, megjithatë deri në mbrëmjen e sotme, ja cilat janë 5 këngët që mendohet se kanë më shumë mundësi për t’u shpallur fituese të Eurovision Song Contest 2022.

Finalja e Eurovision: 5 këngët pretendente për fitore
Foto: EBU / CORINNE CUMMING

Ukraina: Kalush Orchestra – Stefania

Kënga e Ukrainës është një odë për dashurinë e nënës dhe përmban ritme folk dhe rap. Anëtarët e Kalush Orchestra kanë thënë se duan të frymëzojnë me këngën e tyre, veçanërisht pasi anëtarët e grupit dolën vullnetarë për të qëndruar në Ukrainë për të luftuar në luftë.

Finalja e Eurovision: 5 këngët pretendente për fitore
Foto: EBU / CORINNE CUMMING

Mbretëria e Bashkuar: Sam Ryder – Space Man

Sam Ryder ka mundësinë që të fitojë kupën për Mbretërinë e Bashkuar, e cila vitet e fundit është përfolur se nuk e ka marrë shumë seriozisht festivalin. Vitin e kaluar, Mbretëria e Bashkuar mori 0 pikë, si nga publiku ashtu edhe nga juria ndërkombëtare. Vokali i Sam Ryder është lavdëruar nga kritikët dhe kënga është pëlqyer nga njerëzit.

Finalja e Eurovision: 5 këngët pretendente për fitore
Foto: EBU / CORINNE CUMMING

Suedia: Cornelia Jakobs - Hold Me Closer

Vendet nordike duket se e kanë marrë gjithmonë seriozisht Eurovision. Suedia ka fituar gjashtë herë festivalin dhe kënga “Heroes” e Mans Zelmerlow që fitoi shtatë vjet më parë është një ndër më të dëgjuarat e Eurovision. Cornelia Jacobs dhe kënga elektro-pop “Hold me closer” mund ta bëjë sërish fituese Suedinë.

Finalja e Eurovision: 5 këngët pretendente për fitore
Foto: UNIVERSAL MUSIC

Italia: Mahmood & Blanco – Brividi

Mahmood dhe Blanco ia kanë dalë të drithërojnë njerëzit. Kënga e tyre “Brividi” është një pretendente për fitore dhe kryeson në YouTube. Mahmood u rendit i dyti në 2019-n me këngën “Soldi”. Këtë vit, ka mundësinë të ndryshojë rezultatin (për mirë ose për keq, varet).

Finalja e Eurovision: 5 këngët pretendente për fitore
Foto: EBU / CORINNE CUMMING

Spanja: Chanel – SloMo

Këngëtarja me origjinë kubaneze që dikur ishte balerinë rezervë e trupës së Shakirës, sot konkurron për Spanjën në Eurovision. Kënga e saj me ritme reggaeton është ndër më të pëlqyerat në rrjete sociale. Shumë shpresojnë që Chanel do të shpallet fituese.

Poll

MOS I HUMBISNI