Përveç 1 milion mënyrave që lexoni dhe dëgjoni për çlirimin e stresit, kjo që do të mësoni tani është më interesantja. Ekziston një teknikë e thjeshtë që mjekët e këshillojnë për të çliruar dhimbjet dhe stresin vetëm përmes masazhimit të veshit. 

Stresi përjetohet ndryshe në varësi të njerëzve, por gjithsesi e përbashkëta është se çdo njëri që akumulon stres fillon të ndihet jo rehat, në ankth dhe ka ndjesinë e një rëndese ose edhe dhimbjeje në disa pjesë të trupit. Hapi i parë i çlirimit të stresit është të nxirrni ndjenjat negative dhe më pas të ‘hiqni’ efektet fizike të stresit.

Këtu hyn në lojë teknika fizio-refleksive. Trupi ynë ka disa pika anti-stres dhe gjithçka na duhet është t'i masazhojmë ato për të çliruar stresin.

Një kinez i lashtë e ka quajtur këtë pikë që ndodhet në pjesën e sipërme të veshit ‘Shen men’ që do të thotë ‘Porta për në parajsë’. Shen men është një pikë anti-stresi që ul nivelin e tij, rrit nivelin e energjisë dhe shëndetin e përgjithshëm të organizmit. Kjo pikë gjithashtu redukton inflamacionet dhe mund të pushojë dhimbjet në gati çdo pjesë të trupit. 

Si mund ta bëni?

-Merrni pak pambuk për të presuar dhe masazhuar këtë pjesë të veshit.

- Dëgjoni trupin tuaj me kujdes

- Merrni frymë thellë

- Kur të merrni frymë, pra të thithni oksigjen shihni në të majtë dhe kur ta nxirrni shihni në të djathtë

- Ndjeni sesi trupi juaj fillon të qetësohet

Këtë teknikë mund ta përdorni edhe duke përdorur gishtat në vend të pambukut, sa herë të ndiheni të stresuar dhe ngarkuar nga presioni i gjërave që ndodhin gjatë ditës.

Burimi: Pop Sugar