Nëse s'keni asgjë për të thënë në një mesazh WhatsApp-i, tani mund ta shmangni lirisht "ok" e tmerrshëm me një reagim shumë më interesant! Më në fund emoji-it janë të aksesueshme për të gjithë përdoruesit e platformës dhe me siguri kjo do të ndikojë tek komunikimi i përditshëm, pasi do të shmangë shumë keqkuptime dhe reduktojë mesazhet e shkurtra të panevojshme. 

Pas shumë muajsh pritje, WhatsApp-i së fundmi ka lançuar opsionin e "message reactions" për përdoruesit në të gjithë botën. 

Si funksionon?

Pas çdo mesazhi që merrni, do t'ju shfaqet një ikonë që duke e klikuar mund të zgjidhni një nga 6 emoji-t që doni të dërgoni. Pasi ta keni selektuar dhe dërguar, personit nga ana tjetër e telefonit do t'i shkojë si një mesazh më vete.

Nëse nuk e shihni ende përditësimin e ri të platformës në telefonin tuaj, prisni. Duke qenë se WhatsApp-i ka më shumë se 2 miliardë përdorues në të gjithë botën, do të duhen disa ditë para se të jetë opsion i aksesueshëm për të gjithë. 

Burimi: Business Insider