· Një gjykatë në Kiev do të dëgjojë gjyqin e parë për krimet e luftës për pushtimin. Vadim Shysimarin, 21 vjeç, një komandant në divizionin e tankeve të Rusisë, akuzohet se ka qëlluar për vdekje një burrë të paarmatosur, 62 vjeç, i cili ishte në biçikletë dhe fliste në telefon në fshatin Chupakhivka, Sumy. Shysimarin u urdhërua "të vriste një civil në mënyrë që ai të mos i raportonte te mbrojtësit ukrainas,” sipas prokurorëve.
· Ministria e Jashtme ruse tha se do të duhej të ndërmerrte hapa "ushtarako-teknikë" nëse Helsinki do të aplikonte për anëtarësim në NATO, pasi presidenti i Finlandës, Sauli Niinisto dhe kryeministrja, Sanna Marin, thanë se duhet të aplikojë për t'u bashkuar me aleancën ushtarake "pa u vonuar” Suedia pritet të ndjekë shembullin e Finlandës brenda ditësh.
· Zëvendëskryeministrja e Ukrainës, Iryna Vereshchuk, tha se "negociatat shumë të vështira" po vazhdonin për evakuimin e 38 luftëtarëve të plagosur rëndë nga fabrika e rrethuar e çelikut Azovstal në qytetin Mariupol, në këmbim të robërve rusë të luftës.
· Numri i njerëzve që kanë ikur nga Ukraina për t'i shpëtuar pushtimit rus ka tejkaluar gjashtë milionë, ka thënë agjencia e OKB-së për refugjatët. Tetë milionë njerëz të tjerë janë zhvendosur brenda Ukrainës.
· Gati 100 fëmijë u vranë në Ukrainë vetëm gjatë muajit prill, por shifrat aktuale mund të jenë dukshëm më të larta, tha Fondi i Kombeve të Bashkuara për Fëmijët. Zëvendësdrejtori ekzekutiv i Unicef-it, Omar Abdi, kërkoi t'i jepet fund bombardimeve të shkollave ukrainase.
· Udhëheqësit e Bashkimit Europian po planifikojnë të vlerësojnë anëtarësimin e Ukrainës muajin e ardhshëm, sipas ministrisë së jashtme franceze.
Burimi: Guardian
