Parashqevi Simaku ka festuar ditën e djeshme 59-vjetorin e lindjes së saj, i cili, sipas fjalëve të saj, duket se nuk ka qenë më i lumturi.
Në një status në Facebook-un e saj personal, Parashqevia shpreh se në këtë ditë, shpresat dhe mendimet e saj drejtohen vetëm ndaj të birit, Luke:
"Sot, në datëlindjen time të 59-të, zemra ime ësht e mbushur me mall për ty. Çdo nënë kur zgjohet në mëngjesin e datëlindjes së saj ëndërron që fëmija ta përqafojë dhe t'i thotë 'Gëzuar datëlindjen nëna ime!'"
Mesazhi i dhimbshëm vazhdon me faktin se i biri i Parashqevisë me gjasë as që e di se kur mamaja feston datëlindjen:
"Sa shumë do të doja ta dëgjoja këtë nga ti... Por e di që ti as nuk e di kur është datëlindja ime dhe kjo më dhemb thellë."
Artistja vijoi më tej t'i shprehte dashurinë e pandryshuar të birit, e cila do të mbetet e tillë pavarësisht se të dy ende ndodhen larg njëri-tjetrit:
"Megjithatë, zemra ime rreh gjithmonë me ty, ashtu si atëherë kur ishe në barkun tim, edhe sot në çdo frymë të jetës sime. Edhe pse jemi larg, ti je gjithmonë ojesë e imja, drita dhe shpresa ime. Të dua pafund, Luke!"
Takimi i fundit mes të dyve dhe i pari pas një kohe shumë të gjatë larg, ndodhi para 8 muajsh, ku djali i Parashqevisë, i shoqëruar nga i ati dhe ish-bashkëshorti i saj, vizituan artisten në New York, SHBA.
