Imagjinoni sikur kompania t’ju lejonte që të merrnit qenin me vete në punë! Një ëndërr për adhuruesit e katërputroshëve dhe një makth për ata që i kanë frikë ose janë alergjikë ndaj kafshëve.
Tungsten Collaborative, një studio dizajni në Ottawa, Kanada, përbëhet nga 10 njerëz dhe kolegia me katër putra, labradori Daisy. Me raste, Daisy-t i bashkohet edhe zagari spanjoll Eevee, qenushi pastor gjerman Hudson, Delilah e racës Basset Hound etj.
View this post on Instagram
Daisy konsiderohet si “shefja morale” në kompani dhe njihet për “menaxhimin e stresit” dhe “angazhimin e klientëve”. Madje është vendosur edhe në website-n e Tungsten.
"Ne inkurajojmë njerëzit që nëse kanë kafshë shtëpiake t'i sjellin në punë," tha për Agence France-Presse presidenti Tungsten, Bill Dicke. "Ju e zhvilloni këtë marrëdhënie duke qenë në shtëpi me kafshën tuaj çdo ditë dhe papritur ktheheni në punë, kështu që tani ata duhet të qëndrojnë vetëm në shtëpi dhe nuk është e drejtë për ta. Toleranca ndaj kafshëve shtëpiake në punë gjatë pandemisë është rritur,” shtoi Dicke.
Ai theksoi se të qenit një kompani miqësore me kafshët ka ndihmuar në rritjen e biznesit dhe në rritjen e produktivitetit të stafit.
Në një sondazh të kompanisë Legger, e cila merret me studimin e tregut, pak më shumë se gjysma e kanadezëve janë pro marrjes së qenve në zyrë. "Lejimi i qenve është një tregues i mirë i kulturës së një kompanie," tha pronari i Eevee.
