Georgina Rodriguez dhe Cristiano Ronaldo zbuluan emrin e vajsës së tyre e cila erdhi në jetë pak javë më parë.
Në një postim në Instagram – ku shfaqet vogëlushja – Georgia bëri me dije se ajo quhet Bella Esmeralda. Ajo lindi më 18 prill.
View this post on Instagram
Më 18 prill, Cristiano dhe Georgina zbuluan se humbën njërin prej binjakëve. Vetëm Bella Esmeralda ishte e shëndetshme, ndërsa djali, për fat të keq, nuk mundi të jetonte.
"Eshtë një dhimbje e madhe që na duhet t'ju themi se bebushi ynë ka ndërruar jetë. Eshtë dhimbja më e madhe që një prind mund të ndjejë. Vetëm lindja e vajzës sonë na jep forcë për ta jetuar këtë moment me shpresë dhe lumturi." – shkruan ata.
Ronaldo, 36 vjeç, është baba i pesë fëmijëve, tre prej të cilëve kanë ardhur në jetë nga dy nëna surrogate. Ai është baba i Cristiano Jr, 11 vjeç, binjakëve Eva dhe Mateo, 4 vjeç; vogëlushes 3-vjeçare Alana Martina, nëna e së cilës është Georgina. Çifti kanë bashkë edhe Bella Esmeralda-n.
