Të gjithë e dimë atë ndjesinë: Një ngatërrim në zorrë apo një ndjesi therjeje në bark, për të cilën na kanë thënë se duhet ta kemi kur shohim dashurinë tonë të jetës.
Kjo ndjenjë e “fluturave në stomak” është lartësuar prej kohësh si një tregues i besueshëm se kishit gjetur vërtet partnerin e duhur; që më në fund e kishit takuar personin tuaj. Në kulturën popullore dhe në media, kjo është kthyer në një barometër të padiskutueshëm të kimisë, një tregues i sigurt se ju keni gjetur vërtet atë të duhurin/duhurën.
Po sikur t’ju themi se fluturat e famshme nuk janë një parashikues kaq i saktë i dashurisë, sa mendoni?
Kjo ndjesi karakteristike është në të vërtetë mjaft e pazakontë, aspak misterioze dhe sigurisht jo një metrikë e besueshme për të vlerësuar përputhshmërinë afatgjatë dhe suksesin e mundshëm të një marrëdhënieje.
Çfarë do të thotë në të vërtetë të ndjesh "flutura"
E vërteta është se marrëdhëniet e mira kanë shumë më tepër se sa magjepsja dhe fluturat.
Pa dyshim, fluturat tuaja janë tregues të eksitimit dhe nervozizmit, dhe, po, këto janë emocione ngjallëse për t'u ndjerë në fillim të një marrëdhënieje. Por, nuk janë tregues të asaj që ju mund të jeni si çift.
Ndjenja e fluturës, zbrazëtia emocionuese në zorrën tuaj që është bërë gurthemeli i fantazive tona, nuk ka absolutisht asnjë lidhje me lumturinë afatgjatë, kënaqësinë seksuale ose pajtueshmërinë në një marrëdhënie.
Është interesante se si ndjenja magjike e fluturave vjen nga e njëjta pjesë e trurit tonë përgjegjëse për regjistrimin e kërcënimit dhe frikës - e njëjta pjesë përgjegjëse për ankthin tonë - amigdala. Ndjenjat e pritjes dhe kërcënimit në amigdalë përkthehen në ndjesinë e nyjës në stomak, të cilën ne e quajmë flutur.
Ne përjetojmë flutura kur kërcejmë nga një aeroplan me parashutë, kur japim një prezantim të rëndësishëm ose përgatitemi për një intervistë. Ato nuk janë një dukuri e rrallë, por kur i ndiejmë në kontekstin e romancës, ne jemi mësuar ta shohim ndjenjën si një shënues të rëndësisë, si një shenjë se ne kemi gjetur potencialisht “ATË”.
Të mos ndjesh flutura mund të jetë një gjë e mirë
Të mos ndjesh atë lloj ankthi të veçantë fluturash kur takosh një partner të mundshëm të jetës nuk është gjithmonë një shenjë e keqe.
Pra, çfarë ndodh kur takoni pikërisht këtë lloj personi me të gjithë elementët e duhur për t'u bërë një partner jete, me të cilin vërtet do të dëshironit të ishit, por nuk ju shkakton ato ndjenja të “nxehta” - ato që na kanë mësuar se janë treguesit përfundimtarë të dashurisë së vërtetë?
Shumica do të hiqnin dorë nga puna e palodhur për ndërtimin e lidhjeve dhe kimisë në favor të ndjenjës së “fluturës”, atë që përshtatet mirë në pikëpamjen tonë shoqërore dhe kulturore se si duhet të ndihet një lidhje.
Duke lejuar që barometri flutur të vazhdojë si standardi i artë i kimisë dhe përputhshmërisë, ne rrezikojmë të humbasim njerëzit e mirë dhe partneritetet e shëndetshme. Ne rrezikojmë të humbasim një dashuri që mund të mos na trondisë në fillim, por me kalimin e kohës dhe investimit, mund të jetë idealja për ne.
Burimi: Psychology Today
