Social Buzz

Trendi më i fundit në Instagram? Të qash?!

Shkruar nga Anabel

6 Maj 2022

Trendi më i fundit në Instagram? Të qash?!
Photo Credits: Bustle

E keni vënë re se të qash në rrjete sociale nuk është më dhe aq e çuditshme? Mund t'ju kujtohet Bella Hadid, modelja që duket se ka 'jetën ideale', e cila postoi një kolazh fotosh duke qarë, ndërsa shpjegonte vështirësitë e saj me ankthin. 

Njerëzit nuk ankohen pak herë për atë se sa "të shtirura mund të jenë rrjetet sociale", sepse ato nxjerrin në pah vetëm një pjesë të lumtur tonën. Prandaj, një foto e dikujt të përlotur në feed mund t'ju duket e habitshme. 

Megjithatë, nga ana tjetër, edhe nëse këto foto shfaqen si për të treguar se "jo, rrjetet sociale s'janë gjithnjë të shtirura" - ka përsëri njerëz të cilëve kjo u duket si një "thirrje për vëmendje" apo thjesht "diçka e tepërt" në përgjithësi.

Pra, jemi ne ata që ankohemi për njëanshmërinë e rrjeteve sociale dhe jemi po ne, ata që shtrembërojmë fytyrën kur i shohim të dyja anët.

E vërteta është se sot, njerëzit mund të postojnë ç'të duan online (përsa kohë nuk thyejnë rregullat e platformave) dhe nëse dikush dëshiron të tregojë se ka qarë, arsye pse ka qarë apo pse do të qajë - për fat të mirë apo jo, është i/e lirë ta bëjë.

Ndonjëherë këto postime mund të ndihmojnë dikë që po kalon të njëjtat vështirësi, herë të tjera mund të shërbejë për t'i treguar personit që po qan se "nuk është vetëm".

Njerëzit kanë mënyra të ndryshme të të "mbijetuarit" apo bashkëjetuarit me ndjenjat dhe ngjarjet e tyre dhe nëse mënyra e dikujt është t'i shpërndajë ato online, atëherë pse jo?

A janë fotot "vulnerabël" një trend i ri në rrjete sociale? Ndoshta jo vetë fotot në thelb, por vulnerabiliteti është padyshim një trend, dhe i suksesshëm madje. Fundja, ishim vetë ne ata që kërkuam ~të vërteta~

MOS I HUMBISNI