Njerëzit në rrjete sociale nuk ishin të vetmit të pakënaqur me zgjedhjen e Kim Kardashian për të veshur fustanin e Marilyn Monroe në Met Gala 2022. Edhe historianë dhe biografë të Marilyn Monroe nuk duken të lumtur.
Marilyn Monroe ndërroi jetë rreth dy muaj e gjysmë më vonë pasi u shfaq me fustanin e krijuar nga Jean Lous – i gjithë me copë nude dhe i mbuluar me 2,500 kristale Swarkovski. Ajo i këndoi “Gëzuar ditëlindjen” presidentit asokohe, John F. Kennedy.
Fustani u ble për shumën 4.8 miliardë dollarë nga “Ripley's Believe It or Not!”, zinxhir muzesh globalë të themeluar nga Robert Ripley që përmbajnë sende dhe objekte kryesisht të çuditshme dhe të pazakonta.
Kim veshi fustanin origjinal vetëm për pak minuta, sa për të pozuar para kamerave dhe më pas veshi një kopje të bërë me porosi. Megjithatë fakti që veshi fustanin e Marilyn Monroe ka shkaktuar zemërimin e historianëve dhe ekspertëve të jetës së saj.
Justine De Young, profesoreshë e asociuar e historisë së modës në Institutin e Teknologjisë së Modës në New York, tha për People se zgjedhja ishte "i papërgjegjshme dhe e panevojshme... Një pjesë ikonike e historisë amerikane nuk duhet të vihet në rrezik dëmtimi për ego personale dhe foto."
Biografët e Monroe thanë se djersa, parfumi dhe make-up mund të kishin dëmtuar veshjen.
"Fustani është jashtëzakonisht i brishtë dhe është mbajtur më parë në kushte të kontrolluara nga temperatura," tha biografja Michelle Morgan. “Por tani ja ku është, jo vetëm i veshur, por edhe në një ambient tapeti të kuq, ku çdo gjë mund t’i kishte ndodhur”.
Scott Fortner, pronari i një prej koleksioneve më të mëdha private në botë të sendeve personale të Monroe, tha se shqetësimet e njerëzve janë me vend: “Ajo kërkoi që të ishte një fustan që 'vetëm Marilyn Monroe mund ta vishte’.”
