Horoskopi Mujor

Horoskopi i Susan Miller për muajin maj 2022: Shigjetari dhe Bricjapi

Shkruar nga Anabel

5 Maj 2022

Horoskopi i Susan Miller për muajin maj 2022: Shigjetari dhe Bricjapi

Horoskopi i Susan Miller për muajin maj 2022: Shigjetari dhe Bricjapi

Për muaj me radhë keni qënë më të favorizuarit mes gjithë shenjave kur vjen puna tek blerjet, shitjet, dhënia me qira, rinovimi apo ridekorimi i pronave. Nëse nuk keni përfituar nga ky avantazh brilant që ju ka sjellë Jupiteri do të duhet të prisni deri në 10 maj për të vepruar. Marsi do t'ju ndihmojë gjithashtu të jeni produktive në pjesën më të madhe të muajit. Jeni me fat, prandaj mos e ulni fare nivelin tuaj të pritshmërive.

Jeni gjithashtu një nga shenjat më të favorizuara në dashuri për këtë muaj dhe do ta shijoni këtë aspekt nga 10 maji deri në 27 qershor. Nëse jeni single, nuk do t'ju duhet të prisni edhe shumë për të qenë çift. Nëse jeni të lidhur do të keni më shumë kohë në dispozicion për të kaluar me partnerin tuaj. Nëse një bebe do të realizonte ëndrrën tuaj të madhe, me shumë gjasa mund të ndodhë tani. Asgjë s'është e pamundur me ndihmën e Jupiterit, aq më tepër kur vjen puna tek çështjet e zemrës. 

Do të keni vëmendjen e tij/saj gjatë gjithë muajit, pasi sharmi dhe karizma juaj janë të pamundura për të mos u vënë re. Jeni në kohën perfekte për t'ju dedikuar dashurisë. Kreativiteti juaj do të çelë si kurrë më parë, falë Jupiterit në Dash. Nëse paguani rregullisht për idetë tuaja, do të përballeni me kërkesa të larta në treg. 

Ky muaj ka dy eklipse. I pari, eklipsi diellor në 30 prill sjell ndryshime në punë dhe rutinën e përditshme. Urani, planeti i surprizave do të sjellë lajme që s'i prisni, por s'ka vend për t'u shqetësuar. Ndoshta do t'ju duhet të kujdeseni në lidhje me një çështje shëndetësore gjatë majit dhe qershorit, por gjërat në fund shkojnë mirë.

Ngadalësoni hapat tuaj gjatë kohës që Mërkuri do të jetë në prapavijë (10 maj-3 qershor). Mos merrni vendime të rëndësishme dhe as mos firmosni kontrata. Planet tani mund të duket sikur ngecin diku, por mos u shqetësoni do të realizohen në një moment të dytë.

Pjesa më e mirë e gjithë muajit është se të gjithë shenjat e tjera të zodiakut do ta kenë zili jetën tuaj dashurore, falë ndërhyrjes së Jupiterit. Ditë më të mira ju presin i dashur Shigjetar!

Horoskopi i Susan Miller për muajin maj 2022: Shigjetari dhe Bricjapi

Keni shumë potencial për ta bërë këtë muaj emocionues. Fillimisht, Jupiteri, planeti i dhuratave dhe fatit të mirë do të jetë në lëvizje. Ju mund të zhvendosni, rinovoni, apo blini pajisje të reja për shtëpinë. Eshtë kohë e mirë për të bërë ndryshime rrënjësore në shtëpinë tuaj apo jetën familjare. 

Nëse keni qenë të shqetësuar në lidhje me prindërit tuaj, apo po mendoni t'i ndihmoni ata do të jetë e mundur gjatë këtij muaji. Do të merrni disa përgjigje që do t'ju lejojnë t'i ndihmoni dhe do t'ju çlirojnë nga ngarkesa të ndryshme. Do të kaloni më shumë kohë me ta dhe nuk përjashtohet një udhëtim i mundshëm. 

Nëse jeni single, do të takoni njerëz të rinj. Eklipset sjellin ndryshime të shpejta dhe ka gjasa që të njihni njerëz shumë më interesantë nga ç'keni takuar deri tani. Nëse po prisni të takoni dashurinë e vërtetë, shanset më të mëdha do të jenë gjatë pushimeve, në një resort ndoshta, por jo shumë larg shtëpisë. 

Udhëtimet në resorte luksoze do t'ju ndihmojnë të rizgjoni zjarrin e dashurisë nëse jeni në një lidhje romantike. Bjë ose dy netë do t'ju ndihmonin shumë të ri-karikoheshit për t'ju rikthyer fuqishëm rutinës. Eklipsi i 30 prillit mund të sjellë lajme të papritura shtatzënie në ditët në vijim. Ose ndoshta lajme që i keni pritur prej shumë kohësh do t'i dëgjoni tani. Nëse nuk jeni gati për një bebush, tregohuni të kujdesshëm.

Ky eklips do t'ju ndihmojë dhe inkurajojë ta çoni në tjetër nivel kreativitetin tuaj. Mund të mbyllni disa marrëveshje që do t'ju mrekullojnë. Asgjë e zakonshme nuk ndodh gjatë eklipseve. Shënoni datat 14,15,16 maj pasi mund të ndodhin ngjarje të këndshme që lidhen me familjen dhe shoqërinë tuaj. 

Në një event të rastësishëm mund të nisni një shoqëri të rëndësishme që ju hap dyer të reja. Urani do të jetë i pranishëm në eklipsin e 15 majit, prandaj nëse jeni në një lidhje mund të reflektoni nëse doni një pausë apo do të merrni një tjetër vendim.  Mos u ndjeni të presionuar. Mund të zbuloni që një miku juaj s'është ai që mendonit ju apo se ti dhe dikush tjetër nuk jeni dhe aq të ngjashëm sa mendonit. Të gjitha këto janë ndikimet e eklipseve të majit. Qëndroni optimistë. Shijoni punën që po bëni dhe bëjeni mirë, siç vetëm ju dini ta bëni. 

Copyright Anabel.al / Ndalohet ribotimi pa lejen e redaksisë.

MOS I HUMBISNI