Hidhini një sy tendencave më të mëdha të modës këtë pranverë, nga eventet e mëdha si tapeti i kuq i deri te moda e përditshme - Do të shihni se ka diçka që nuk mungon, kostumet!
Gjëja më e bukur është se kostumet tani janë në dispozicion me ngjyra të ndezura pranverore, duke i bërë ato veshje të rehatshme, klasike, të përditshme, komode dhe gjithçka tjetër që dëshironi, në varësi të mënyrës se si i kombinoni.
Kostumet në historinë e modës
Kostumet kanë zënë vend në modën e grave gjatë dekadave, veçanërisht kur numri i grave të punësuara filloi të shtohej, në shekullin e 20-të. Ndërsa gratë hynin në fushat profesionale, kostumet e tyre ishin xhaketë me funde laps dhe këmisha me jakë.
Teksa ato filluan të veshin më shumë pantallona gjatë viteve '70 dhe '80, kostumet evoluan për të qenë më të ngjashme me ato të burrave, por me stilin elegant që veshja e grave ka gjithmonë.
Prandaj kostumet kanë një rëndësi të madhe për historinë e modës së grave. Ato përfaqësojnë gra të fuqishme dhe të forta që bëjnë një vend për veten e tyre në tryezë. Tendencat e sotme mund të kenë ndryshuar, megjithatë prezenca që një kostum i jep si një gruaje, ashtu edhe një burri - është e pamohueshme.
Të vendosësh se çfarë lloj kostumi të shtosh në garderobë, mund të jetë e vështirë. Nëse dëshironi të ndiqni trendin e momentit, sigurohuni të keni një kostum në ngjyrë livando, jeshile të ndezur, portokalli apo një tjetër ngjyrë të ndezur.
Për një pamje më të gjithanshme, mbështetuni në ngjyrat pastel, "nude" ose tonalitete që nuk kanë shkëlqim. Këto ngjyra mund të vishen gjatë gjithë vitit.
Nëse doni një ngjyrë me të cilën nuk gaboni dot, shtoni në garderobë një kostum të zi.
E bukura e kostumeve, është se me to mund të eksperimentoni pa fund: Nga këpucët/atletet, te kombinimi i dy pjesëve të një kostumi, bluzat/këmishat etj.
Burimi: The Talko
