Johnny Depp dha një përgjigje të sikletshme kur u pyet për fëmijërinë e tij në një episod të vitit 1999 të The David Letterman Show.

Aktori 58-vjeçar aktualisht është duke paditur ish-bashkëshorten Amber Heard, 35 vjeç, në një padi prej 50 milionë dollarësh për shpifje lidhur me pretendimet e abuzimit që ajo bëri në një artikull në The Washington Post.

Me procesin gjyqësor kundër Heard-it, Depp ka zbuluar se ai është i verbër në njërin sy dhe pretendon se ka vuajtur 'abuzimin fizik të vazhdueshëm' nga nëna e tij.

Nëse kthehemi pas në kohë, mund të shohim se aktori ka lënë të kuptohet për vështirësitë e tij të fëmijërisë, vite më parë.

Letterman fillimisht pyet: "A keni dashur gjithmonë fëmijë?"

Depp përgjigjet: "Oh po sigurisht, e adhuroj."

Letterman vazhdon: "A keni ardhur nga një familje e madhe, familje e vogël?"

Aktori përgjigjet: "Po, katër fëmijë, një lloj familjeje me madhësi normale."

Mirëpo, drejtuesi i programit bën një pyetje, të cilës Depp më pas i përgjigjet shkurt dhe prerë.

Ai pyet:

"Tani që jeni prind, a ju kujtohet, a ju lidh menjëherë me atë që prindërit tuaj po përpiqeshin të bënin kur po ju rrisnin?"

Përgjigjja e Depp është vetëm një "Jo".

“Vërtet?”, pyet Letterman.

Aktori përsërit:

"Jo, jo, asgjë e përafërt!"

Për më shumë në lidhje me konfliktin në fjalë mes Depp dhe Heard, lexoni edhe:

Burimi: Unilad