Cristiano Ronaldo dhe partnerja e tij, Georgina Rodriguez kanë humbur njërin prej binjakëve. Ylli i futbollit ka konfirmuar vetë lajmin tragjik përmes një postimi në llogarinë e Instagramit. 

Ronaldo njoftoi se vogëlushi ka ndërruar jetë gjatë lindjes, ndërsa vajza është e shëndetshme falë ndihmës së mjekëve.

Dyshja njoftuan për pritjen e ëmbël në tetor të vitit të shkuar, ku konfirmuan se do të bëhen prindër sërish të binjakëve, një djalë dhe një vajzë tjetër. 

"Eshtë një dhimbje e madhe që na duhet t'ju themi se bebushi ynë ka ndërruar jetë. Eshtë dhimbja më e madhe që një prind mund të ndjejë. Vetëm lindja e vajzës sonë na jep forcë për ta jetuar këtë moment me shpresë dhe lumturi."

Ronaldo dhe Georgina kanë kërkuar privatësi të plotë për ta kaluar më lehtë dhimbjen e tyre, larg lajmeve dhe thashethemeve.