Nëse hapni TV tuaj ose shkoni në Netflix, është e pamundur të mos gjeni diçka rreth #dating, zakonisht në formën e një reality show. Disa prej këtyre shfaqjeve pretendojnë se kanë qëllimin për të ndihmuar njerëzit të gjejnë partnerë, ndërsa të tjerë duket se thjesht i hedhin beqarët në një ishull për asnjë qëllim tjetër veçse për t'i lejuar shikuesit të jetojnë një lloj fantazie soditëse.

Shumë prej shfaqjeve, ndërsa pretendojnë se tregojnë njerëz të vërtetë në marrëdhënie reale, shfaqin sjellje stereotipike gjinore, si dhe përshkrime të hapura seksuale të sjelljes në marrëdhënie. Me rritjen e këtij lloji të programeve, është e rëndësishme të shqyrtojmë se si shfaqjet e fokusuara në takime romantike dhe në marrëdhënie ndikojnë në qëndrimet dhe sjelljet tona.

Ç'thuhet nga studimet?

Hulumtimi nga Zurbriggen dhe Morgan (2006) ekzaminoi 249 studentë universitarë midis moshës 18 dhe 24 (67% vajza). Studiuesit mblodhën informacion mbi demografinë e pjesëmarrësve, sjelljet seksuale, qëndrimet ndaj takimeve, marrëdhëniet dhe seksin, si dhe sjelljet e tyre kundrejt të ndjekurit e këtyre programeve dhe përfshirjen në programet dating dhe reality.

U zbulua se kjo moshë shihte më shumë këto lloj programesh sesa emisione të tjera televizive dhe në mënyrë të veçantë, studiuesit zbuluan se ata që shihnin këto reality shows, kishin qëndrime më tradicionale ndaj takimeve dhe marrëdhënieve.

Përveç kësaj, Zurbriggen dhe Morgan (2006) zbuluan se sasia totale e kohës së shpenzuar për shikimin e këtyre programeve, lidhej me besimet seksuale kundërshtare, miratimin e një standardi të dyfishtë kur bëhet fjalë për seksin dhe besimin se burrat janë të drejtuar nga seksi apo se "pamja është e rëndësishme në një takim".

Ndërsa studiuesit e këtij studimi nuk gjetën dallime gjinore për sa i përket marrëdhënies midis shikueshmërisë dhe qëndrimeve, ata zbuluan se burrat i përdornin shfaqjet për të mësuar rreth takimeve më shumë sesa gratë. 

Duke qenë se hulumtimi tregoi se njerëzit ndikohen nga programet që shikojnë, është e rëndësishme të jemi të vetëdijshëm për atë që përshkruhet në media. Njerëzit mund të modelojnë atë që shikojnë dhe mund të kërkojnë t'i shohin këto programe për të marrë informacion rreth takimeve dhe marrëdhënieve. Megjithatë, këto programe, të cilat supozohet se janë realitet, mund të përjetësojnë stereotipe të dëmshme dhe të modelojnë sjellje problematike. Prandaj, është e rëndësishme të shikoni mënyra të tjera për të përshkruar marrëdhënie të shëndetshme dhe të mos merrni gjithçka të mirëqenë.

Kujtoni se baza e këtyre programeve në thelb është argëtimi.

Burimi: Psychology Today