Shpesh është më e lehtë të harrosh se prindërit e tu janë edhe thjesht individë, përveçse "mami" dhe "babi". Ata kanë miqtë e tyre, problemet, streset dhe fitoret e tyre – përtej qëllimit të të qenit prindi yt. Por reduktimi i dikujt në vetëm një pjesë të asaj që janë, mund ta bëjë të vështirë ndërtimin e një marrëdhënieje me ta në një nivel më të thellë. Për të vendosur bazat për një marrëdhënie më të plotë me prindërit tuaj, atëherë, mund t'ju duhet t'i bëni pyetje për t'i njohur ata më mirë.

30 pyetje të rekomanduara nga ekspertët janë:

- Pyetjet me të cilat mund të filloni

1. Ku e ke mësuar X,Y apo Z?

2. Si ishte fëmijëria jote, periudha e rritjes?

3. Çfarë ke patur qejf të bësh vetëm, kur ishe më i/e vogël?

4. Kush ishin shokët e tu të ngushtë kur ishe fëmijë?

5. Çfarë kishe qejf të bëje me miqtë, kur ishe më i/e re?

6. Cila mendon se është superfuqia jote?

7. Çfarë të pëlqen të bësh për të kaluar kohën?

8. Cilat janë gjërat që i do/i bën me pasion?

9. Si ishte dita jote sot në punë?

10. Çfarë të pëlqen më shumë te puna jote?

- Pyetje rreth marrëdhënieve

11. Si ishte jeta kur ishe në moshën time?

12. Cila është gjëja më për të qeshur që të ka ndodhur gjatë prindërimit, kur unë isha e vogël?

13. Si e takove mamin/babin dhe çfarë ju tërhoqi tek ta?

14. Si vendosët se do të bënit një fëmijë?

15. Çfarë aktivitetesh ju pëlqen të bëni më shumë me mua?

16. Si e keni menaxhuar punën dhe jetën kur ishit në moshën time?

17. Si është t'i shohësh fëmijët të rriten?

- Pyetje më private

18. Si u bërë ky/kjo që je sot?

19. Si mendon se ka qenë mënyra e prindërimit, të prindërve të tu?

20. Çfarë këshillash more nga prindërit e tu që të frymëzuan lidhur me mua?

21. A mban mend diçka specifike që të ka ndodhur gjatë fëmijërisë dhe ka patur shumë ndikim te ty?

22. Cila është gjëja që të pëlqen më shumë te vetja?

23. Si e ke patur marrëdhëniem me gjyshërit e tu?

24. Çfarë mendon se është diçka për të cilën kishe nevojë nga prindërit e tu, por që nuk e more?

25. Cila është humbja më e vështirë që ke përjetuar?

26. Çfarë do bëje diçka ndryshe në jetë?

27. Si u ndjeve ditën që linda unë?

28. A ka diçka për mënyrën se si më ke rritur mua, që do doje ta ndryshoje?

29. Si e mendon të ardhmen për veten dhe familjen tënde?

30. Si ndihesh?

Burimi: Well & Good