Aksesori më i lezetshëm në tapetin e kuq për momentin nuk është një fustan i tejdukshëm, diamante Tiffany, apo edhe çanta e Julia Fox-it e bërë me flokë njeriu. Në vend të kësaj, janë shfaqjet publike të dashurisë (PDA - public display of affection) ato që janë "in" tani.
Nocioni nuk është i ri; disa nga çiftet më ikonike në historinë e argëtimit u siguruan të "kishin me vete" PDA-në në evente shumë të njohura, kujtojmë Pamela Anderson dhe Tommy Lee apo Jennifer Aniston dhe Brad Pitt.
Tani, të njëjtën gjë, por ndoshta në mënyrë edhe pak më agresive, po e bëjnë çiftet si Kourtney Kardashian dhe Travis Barker, Megan Fox dhe Machine Gun Kelly etj.
Tapeti i kuq i Grammys 2022, nëse nuk e keni vënë re, ishte i mbushur me momente të nxehta dhe romantike çiftesh dhe bashkëshortësh: Hailey-Justin, Addison Rae dhe i dashuri i saj, Omar Fredi.
Megjithatë, PDA nuk është eksluzive për Grammy-t. Për shembull, Jennifer Lopez dhe Ben Affleck janë praktikisht mbreti dhe mbretëresha e PDA-së.
Pra, pse kaq shumë puthje në tapetin e kuq?
A jemi kaq të privuar nga intimiteti njerëzor pas izolimit gjatë pandemisë, që po "shpërthejmë" tani? Apo është thjesht një nënprodukt tjetër i ringjalljes së viteve 2000?
Apo, ndoshta çiftet e kanë kuptuar se shpesh të qenit "çift" të bën më të dashur për audiencën dhe mes puthjeve, ata ua rikujtojnë njerëzve këtë? Ose ndoshta jo. Mbase, në të gjitha rastet, dy njerëz që duhen thjesht po puthen me pasion dhe kaq.
Burimi: In Style
