Dua Lipa zgjodhi të parakalonte në tapetin e kuq të çmimeve Grammy me një pamje 180 gradë ndryshe nga viti i kaluar ku ra në sy për fustanin vezullues Versace në nuancat e rozës dhe blusë. Këtë vit, Dua u shfaq me një pamje disi më dramatike.

Dua në Grammy 2021

E konsideruar si muza e re e Versace-s, ylli i popit ka marrë pjesë në fushatat reklamuese dhe ka hapur sfilatat e Donatella Versace-s, pranda ishte e pritshme që do të zgjidhte diçka nga shtëpia italiane e modës. Fustani i zi vintage – i cili u vesh dikur nga vetë Donatella dhe Cindy Crawford dhe ishte pjesë e koleksionit Vjeshtë 1992 – tërhoqi vëmendjen e të gjithëve.

Sikur të mos mjaftonte, Dua ra në sy edhe për transformimin e flokëve në bjondë platin.

Ngjyra e spikatur e buzëve kombinohej në mënyrë të përsosur me flokët.

Nuk dihet nëse janë paruke apo i ka lyer vërtet, por gjithsesi parukieri Chris Appleton ia doli të realizonte një ndryshim drastik krahasuar me flokët brunë që është parë së fundmi në turin e saj.

Kjo pamje e Duas është me të vërtetë “Future Nostalgia”.