Inboxi i Instagramit tuaj është bërë shumë më interesant, por ju ndoshta s'e dini ende. Në 31 mars, Instagrami lançoi opsionin e ri, ku ju teksa shkëmbeni mesazhe mund të ndani muzikë, të krijoni sondazhe ose të përgjigjeni pa qenë nevoja të hiqni vëmendjen nga çfarë po shihnit në faqen kryesore. 

Pra, mesazhi shfaqet në krye të llogarisë dhe ju mund t'i përgjigjeni direkt vetëm duke klikuar mbi të. Nëse s'dinit si ta nisnit bisedën me "fiksimin" e momentit, dërgojini një këngë. Ndryshimet e reja nuk vijnë krejt papritur, pasi përfaqësuesit e Instagramit prej kohësh njoftuan se po punojnë për të zhvilluar opsionet e mesazheve (DM).

Gjithë ndryshimet që i ndodhën DM-së në 31 mars:

-Mund të shpërndani muzikë 

-Mund të krijoni një sondazh vetëm për grupin tuaj të DM-së

- Mund të ktheni përgjigje ndërkohë 

- përgjigjuni DM-ve për të shfletuar furnizimin tuaj

- Mund të dërgoni "silent messages"

- Mund të shihni kush është online

Opsionet për momentin kanë akses në vende të caktuara të botës, por planet janë që në muajt në vijim të përdoren nga të gjithë.