Ndarja nga jeta e suedezes Dagny Carlsson në moshën 109-vjeçare më 24 mars ka bërë që shumë njerëz t’i rikthehen blogut të saj si edhe të kuptojnë se nuk është vonë që të merresh me diçka që ke pasion.
Dagny, kur ishte 99 vjeç, vendosi të ndiqte një kurs kompjuteri dhe më vonë hapi blogun e saj dhe u vetëquajt Bojan. Ajo kishte mijëra ndjekës në rrjete sociale dhe shfaqej rregullisht në emisione televizive dhe radiofonike në Suedi.
Madje në mars të vitit 2018 u takua me mbretin Carl XVI dhe gruan e tij, mbretëreshën Silvia, në pallatin mbretëror në Stokholm.
Në blogun e saj, Carlsson e përshkroi veten si "një teze/hallë të ashpër, që i pëlqejnë shumë gjërat", ka sens humori dhe është "pak e drejtpërdrejtë".
“Të jesh e drejtpërdrejtë është ndoshta e diskutueshme. Është e lehtë të prekësh dikë dhe nuk dua ta bëj këtë gjë. Por unë patjetër mendoj se duhet të jesh e vërtetë dhe e sinqertë,” shkruante ajo në blog.
Dagny Valborg Eriksson lindi në Kristianstad, Suedi, më 8 maj 1912. Gjatë jetës ajo punoi në një fabrikë këmishash si edhe në agjencinë suedeze të sigurimeve shoqërore. Deri vitin e kaluar, Dagny jetonte e vetme, por më vonë u transferua në një shtëpi për të moshuarit.
